Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 25-րդ և 42-րդ կետերով, 102-րդ հոդվածի 3.2-րդ և 4-րդ մասերով, «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասով․ 1. Հաստատել Եղեգնաձոր համայնքի կողմից Սոցիալական Ներդրումների և Տեղական Զարգացման ծրագրի Բաղադրիչ 2-ին մասնակցության նպատակով ձևավորված Նախաձեռնող խմբի կազմը՝ համաձայն սույն որոշման հավելվածի։
2. Սոցիալական Ներդրումների և Տեղական Զարգացման Ծրագրին մասնակցելու համար դիմել Հայաստանի Տարածքային Զարգացման Հիմնադրամին (ՀՏԶՀ)` համայնքի հետևյալ առաջնահերթ խնդրով.
«Գլաձոր, Գետափ և Վերնաշեն բնակավայրերում արևային ֆոտովոլտային կայանների տեղադրում»։
3. Առաջարկի հաստատման դեպքում կատարել 5% ներդրում` ՍՆՏԶ Ծրագրի պահանջներին համապատասխան։
4. Ծրագրի իրականացման դեպքում վերականգնված ենթակառուցվածքի շահագործման և պահպանման անհրաժեշտ ծախսերը ներառել համայնքի բյուջեում։
5. Հանձնարարել համայնքապետարանի համապատասխան աշխատակիցներին պատրաստել և ՀՏԶՀ-ին ներկայացնել համապատասխան առաջարկ` Ծրագրին մասնակցելու վերաբերյալ։
6. Վերականգնված ենթակառուցվածքը չօտարել, չսեփականաշնորհել կամ չօգտագործել այլ նպատակներով ծրագրի ավարտից հետո 15 տարվա ընթացքում:
7. Սույն որոշման ընդունմամբ՝ ուժը կորցրած ճանաչել Գլաձոր համայնքի ավագանու 2021 թվականի մայիսի 10-ի՝ «Սոցիալական Ներդրումների և Տեղական Զարգացման ծրագրի Բաղադրիչ 2-ին մասնակցության նպատակով ձևավորված նախաձեռնող և աշխատանքային խմբերի կազմերը հաստատելու մասին» թիվ 63-Ա և օգոստոսի 18-ի՝ «Սոցիալական ներդրումների և տեղական զարգացման ծրագրին մասնակցելու համար Հայաստանի Տարածքային Զարգացման Հիմնադրամին դիմելու մասին» թիվ 83-Ա որոշումները։
8․ Սույն որոշումն ուժի մեջ է մտնում հրապարակմանը հաջորդող օրվանից: |