Եղեգնաձորի պատկերասրահը հիմնադրվել է 1978թ.: Այն իր գործունեության ընթացքում կազմակերպել է բազմաթիվ ցուցադրություններ՝ ինչպես հայ, այնպես էլ արտասահմանյան նկարիչների աշխատանքներից: Դրանք իրենց լուման են ունեցել ազգաբնակչության գեղագիտական ճաշակի զարգացման գործում: Մասնաճյուղի վերանորոգումից հետո, վերաբացումը համընկել է 13-րդ դարի վերջ 14-րդ I կես. գրիչ, մանրանկարիչ, քանդակագործ և ճարտարապետ Մոմիկ Վարդապետի (1260-1333/39թթ) ծննդյան 750-ամյակին նվիրված տոնակատարությունների հետ: Պարբերաբար կազմակերպվում են ցուցադրություններ: Այժմ ցուցադրվում են հայկական կերպարվեստի նշանավոր վարպետներ՝ Անատոլի Պապյանի, Վլադիմիր Սահակյանի, Հակոբ Անանիկյանի, Բաբկեն Քոլոզյանի, Լավինյա Բաժբեուկ-Մելիքյանի, Հովհաննես Շարամբեյանի, Ղրդյան Մանուկի և այլոց աշխատանքները: Ցուցասրահները համապատասխանում են արդի ցուցահանդեսային պահանջներին: 

    Պատկերասրահը գտնվում է ք. Եղեգնաձոր, Մոմիկի 1 հասցեում:

    Թանգարանը գտնվում է Վերնաշենի պատմական Սուրբ Հակոբ եկեղեցում։ Թանգարանում կարող եք ծանոթանալ 13-14-րդ դարերում գործող և շատ հայտնի Գլաձորի համալսարանի պատմությանը։ Ժառանգությամբ փոխանցվել և պահպանվել են բազմաթիվ աշխատանքներ, որը Գլաձորի համալսարանում ստեղծել են մանրանկարիչները, նկարազարդողները և պատմիչները։ Այստեղ նաև կան  Աստվածաշնչեր, Ավետարաններ, ձեռագիր մատյաններ։ Թանգարանը ներկայացվում է երեք լեզուներով՝ հայերեն, անգլերեն և ռուսերեն։ Թանգարանի հարակից տարածքում է գտնվում հանրահայտ Թանահատ վանքը, որտեղ 700 տարի առաջ տեղակայված է եղել համալսարանը, ու կոչվել <<երկրորդ փառահեղ Աթենք>> կամ  <<Մայրաքաղաք իմաստնության>>։