|
ՀՀ Վայոց ձորի մարզի Եղեգնաձոր համայնքի Եղեգնաձոր բնակավայրի Անդրանիկի փողոցի ոռոգման ցանցի կառուցում և Խանջյան փողոցի ոռոգման ցանցի վերանորոգում։
ա. Ծրագրի նպատակը` Եղեգնաձոր համայնքի Եղեգնաձոր բնակավայրում պարենարտադրության կայուն համակարգերի ապահովումն է, որի արդյունքում արդյունավետ կօգտագործվեն ջրային ռեսուրսներն ու կբարձրանա բնակիչների կենսամակարդակը։
բ. Ծրագրի իրագործման դեպքում ակնկալվող արդյունքների ամփոփ նկարագիրը` Եղեգնաձոր քաղաքի Անդրանիկի փողոցում ոռոգման ցանցի կառուցմամբ և Խանջյան փողոցում ոռոգման ցանցի վերանորոգմամբ մենք հնարավորություն կստանանք ապահովել ոռոգման ջրի հասանելիությունը շահառու 81 տնային տնտեսության համար, կկանխենք ոռոգման ջրի կորուստը և կբարելավենք բնակավայրի սանիտարական վիճակը:
գ. Ծրագրի իրականացման դեպքում ստեղծվող աշխատատեղերի քանակը` ժամանակավոր աշխատատեղ՝ 15-20։
դ. Կայուն զարգացման նպատակների (այսուհետ՝ ԿԶՆ) հետ առնչություն. Ուղղակիորեն առնչվող ԿԶՆ՝
ԿԶՆ 2․ Վերացնել սովը, հասնել պարենային ապահովության ու բարելավված սնուցման, խթանել գյուղատնտեսության կայուն զարգացումը`
Թիրախներ. 2.4. Մինչև 2030 թ. ապահովել պարենարտադրության կայուն համակարգեր և ներդնել դիմակայուն գյուղատնտեսական գործելաձևեր, որոնք մեծացնում են արտադրողականությունը և արտադրությունը, օգնում են պահպանել էկոհամակարգերը, ուժեղացնում են կլիմայի փոփոխություններին, ծայրահեղ եղանակային պայմաններին, երաշտին, հեղեղներին և այլ աղետներին հարմարվելու կարողությունները և շարունակաբար բարելավում հողի որակը:
Ցուցանիշներ. «2.4.1 Արդյունավետ ու կայուն գյուղատնտեսական գործելաձևեր կիրառող գյուղատնտեսական տարածքների համամասնությունը»։
ԿԶՆ 6. Ապահովել հասանելիություն և կայուն ձևով կառավարել ջուրն ու սանիտարական պայմանները բոլորի համար`
Թիրախներ. 6.5 Մինչև 2030թ. Իրականացնել ջրային ռեսուրսների համապարփակ կառավարում բոլոր մակարդակներում, այդ թվում՝ համապատասխան դեպքերում, անդրսահմանային գործակցության միջոցով
Ցուցանիշներ. «6.5.1 Ջրային ռեսուրսների համապարփակ կառավարման իրականացման աստիճանը (0-100)»:
ԿԶՆ 8. Խթանել կայացած, ներառական և կայուն տնտեսական աճ, լիարժեք և արտադրողական զբաղվածություն և արժանապատիվ աշխատանք բոլորի համար`
Թիրախներ. 8.1 Պահպանել մեկ շնչին ընկնող տնտեսական աճը համաձայն ներպետական հանգամանքների, և մասնավորապես, համախառն ներքին արդյունքի տարեկան առնվազն 7 տոկոս աճ առավել թույլ զարգացած երկներում:
Ցուցանիշներ. «8.1.1 Մեկ շնչին ընկնող իրական ՀՆԱ-ի (համախառն ներքին արդյունք) տարեկան աճի ցուցանիշը»:
ե. Ծրագրի իրականացման աշխատանքներում ներգրավված աշխատակիցներ`
1) համայնքի ղեկավարի առաջին տեղակալ
2) ֆինանսատնտեսագիտական, եկամուտների հաշվառման և հավաքագրման բաժնի աշխատակիցներ
3) քաղաքաշինության, հողաշինության, գյուղատնտեսության և բնապահպանության բաժնի աշխատակիցներ
4) գնումների համակարգող
5) տնտեսական զարգացման պատասխանատու։
|