Զեկ. ՎԱՐԴԱՆ ԱՎԱԳՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, 102-րդ հոդվածի 4-րդ մասով, Հայաստանի Հանրապետության քաղաքացիական օրենսգրքի 466-րդ հոդվածի պահանջներով, «Նորմատիվ իրավական ակտերի մասին» օրենքի 37-րդ հոդվածի 1-ին մասի դրույթներով, հիմք ընդունելով 2001 թվականի հոկտեմբերի 9-ին և 2004 թվականի օգոստոսի 27-ին «Արշավիր և Պայծառ Աբրահամյաններ» բարեգործական հիմնադրամի և Մալիշկայի համայնքապետարանի միջև կնքված հողամասերի անհատույց օգտագործման պայմանագրերի 3-րդ գլխի 9-րդ կետը, հաշվի առնելով այն հանգամանքը, որ «Արշավիր և Պայծառ Աբրահամյաններ» բարեգործական հիմնադրամը պայմանագիրը կնքելուց ի վեր խախտել է նշված պայմանագրերի 1-ին գլխի 2-րդ կետը՝ անհատույց օգտագործման տրամադրված հողամասերը չօգտագործելով նպատակային նշանակությանը համապատասխան.

1. Լուծել 2001 թվականի հոկտեմբերի 9-ին և 2004 թվականի օգոստոսի 27-ին «Արշավիր և Պայծառ Աբրահամյաններ» բարեգործական հիմնադրամի և Մալիշկայի համայնքապետարանի միջև կնքված հողամասերի անհատույց օգտագործման պայմանագրերը՝ դադարեցնելով անհատույց օգտագործման իրավունքը։

2. Ուժը կորցրած ճանաչել Մալիշկա համայնքի ավագանու 2000 թվականի սեպտեմբերի 13-ի թիվ 6 և 2004 թվականի հունիսի 30-ի թիվ 8 որոշումները:

3. Սույն որոշումն ուժի մեջ է մտնում ընդունմանը հաջորդող օրվանից: