Զեկ. ՎԱՐԴԱՆ ԱՎԱԳՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ և 42-րդ կետերի պահանջներով, Հայաստանի Հանրապետության հողային օրենսգրքի 76-րդ հոդվածի 5-րդ մասով, 81-րդ հոդվածի 3-րդ մասով, «Նորմատիվ իրավական ակտերի մասին» Հայաստանի Հանրապետության օրենքի 38-րդ հոդվածի 1-ին և 3-րդ մասերով, հիմք ընդունելով Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի 46․2-րդ կետի «գ» ենթակետը, քննարկելով «Եղեգ» բնապահպանա-սոցիալական հասարակական կազմակերպության ղեկավարի դիմումը․

1․ Եղեգնաձոր համայնքի Եղեգնաձոր քաղաքի Գլաձորյան փողոց, 2-րդ նրբանցք 2 հողամաս հասցեում գտնվող բնակավայրերի նշանակության 0.22525 հա հասարակական կառուցապատման հողը (անշարժ գույքի նկատմամբ իրավունքների պետական գրանցման վկայական՝ N 02062025-10-0012, կադաստրային ծածկագիր՝ 10-001-0119-0197) որպես խաղահրապարակ վերակառուցելու և պահպանելու նպատակով, 10 (տասը) տարի ժամկետով, կառուցապատման իրավունքով օգտագործման տրամադրել «Եղեգ» բնապահպանա-սոցիալական հասարակական կազմակերպությանը։

2․ Սույն որոշման առաջին կետում նշված հողի կառուցապատման իրավունքի վճարի չափ սահմանել տարեկան 80 000 (ութսուն հազար) ՀՀ դրամ, որը պակաս չէ տվյալ հողի (անշարժ գույք) հարկի տարեկան դրույքաչափիից:

3․ Առաջարկել համայնքի ղեկավարին՝ «Եղեգ» բնապահպանա-սոցիալական հասարակական կազմակերպության հետ կնքել կառուցապատման իրավունքի պայմանագիր՝ պարտավորեցնելով տարածքի բարեկարգումն ու խաղահրապարակի կառուցումն իրականացնել պայմանագիրը կնքելուց հետո 1 (մեկ) տարվա ընթացքում։

4․ Ընդունման օրվանից անվավեր ճանաչել Եղեգնաձոր համայնքի ավագանու 2025 թվականի հունիսի 20-ի՝ «Համայնքային սեփականություն հանդիսացող հողը մրցութային կարգով կառուցապատման տրամադրելու մասին» N 89-Ա որոշումը։ 

5․Սույն որոշումն ուժի մեջ է մտնում հրապարակմանը հաջորդող օրվանից։