Զեկ. ՀԱՅԿԱՆՈՒՇ ԱՎԱԳՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 6-րդ կետի, «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 34-րդ հոդվածի 2-րդ և 3-րդ մասերի պահանջներով և հիմք ընդունելով համայնքի բյուջեի կատարման նկատմամբ վերահսկողություն իրականացնելու նպատակով Եղեգնաձոր համայնքի ավագանու խմբակցությունների կողմից ներկայացված ավագանու անդամների թեկնածությունները.

1. Եղեգնաձոր համայնքի ավագանին համայնքի բյուջեի կատարման վերահսկողությունն իրականացնում է ավագանու անդամների միջոցով` տարին մեկ անգամ պարբերականությամբ:

2․ Հաստատել սույն որոշման 1-ին կետում նշված վերահսկողությունն իրականացնող ավագանու անդամների ցանկը՝ համաձայն հավելվածի։

3․ Ընդունել ի գիտություն, որ համայնքի բյուջեի կատարման վերահսկողության հիմնական խնդիրներն են՝

ա) բյուջետային մուտքերի կանխատեսումների և բյուջետային ելքերի նախահաշիվները կազմելու հիմնավորվածության ստուգումը,

բ) բյուջետային միջոցների, ներառյալ` վարկերի և ներգրավված այլ փոխառու միջոցների ծախսման օրինականության ստուգումը,

գ) բյուջետային պարտավորությունների կատարման, հաստիքանախահաշվային կարգապահության պահպանման, հաշվապահական հաշվառման և հաշվետվության վիճակի գնահատումը,

դ) բյուջետային հիմնարկների և կազմակերպությունների ֆինանսատնտեսական գործունեության նկատմամբ վերահսկողության սահմանումը,

ե) բյուջետային գործընթացի նկատմամբ օրենքով սահմանված այլ պահանջների կատարման ապահովումը:

4.Սույն որոշումն ուժի մեջ է մտնում հրապարակմանը հաջորդող օրվանից: