Զեկ. ՄԱՐԻՆԵ ՀՈՎՀԱՆՆԻՍՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42-րդ կետով, «Տեղական տուրքերի և վճարների մասին» Հայաստանի Հանրապետության օրենքի 16-րդ հոդվածի 1-ին և 3-րդ մասերի պահանջներով, ինչպես նաև՝ քննարկելով Գլաձոր բնակավայրի վարչական ղեկավար Արման Մարտիրոսյանի առաջարկը․

1․ Տեղական վճարի գծով սահմանել արտոնություններ՝

1) Հայաստանի Հանրապետության պաշտպանության մարտական գործողությունների ընթացքում զոհված կամ ծառայողական պարտականությունները կատարելիս անհայտ կորած կամ անհայտ բացակայող կամ մահացած ճանաչված անձանց ընտանիքների աղբահանության և խմելու ջրի (Գլաձոր և Վերնաշեն բնակավայրեր) վճարների գծով՝ զրոյական դրույքաչափ, ինչպես նաև՝ մինչև 2025 թվականի հունվարի 1-ը առկա պարտավորությունների նվազեցում 100 տոկոսի չափով,

2) Գլաձոր բնակավայրի բնակիչ Վահագ Կարապետյանի ընտանիքի խմելու ջրի մասով մինչև 2025 թվականի հունվարի 1-ը առկա տեղական վճարի պարտավորությունների նվազեցում 100 տոկոսի չափով,

3) Եղեգնաձոր համայնքի (բնակավայրերի) նախադպրոցական և արտադպրոցական հաստատություններ հաճախող` 2023 թվականին Արցախից բռնի տեղահանված ընտանիքների երեխաների տեղական վճարի (վարձավճար, ծնողական վճար) նկատմամբ սահմանել արտոնություն` զրոյական դրույքաչափ:

2․ Սույն որոշումն ուժի մեջ է մտնում ստորագրման պահից։