Հարգելի՛ բնակիչներ,
Տեղեկացնում ենք, որ մեկնարկում է Հեղինակային երգի հանրապետական մրցույթ-փառատոնը, որն անցկացվում է ՀՀ ԿԳՄՍ նախարարության աջակցությամբ՝ «Հայաստանի պետական ֆիլհարմոնիա» ՊՈԱԿ-ի կողմից իրականացվող «Ջերմ Ամանոր Ջերմուկում» ծրագրի շրջանակներում։
Մրցույթ-փառատոնին մասնակցելու հնարավորություն կունենան 13-35 տարեկան ստեղծագործողները՝ հանրակրթական, արտադպրոցական, գեղագիտական և ստեղծագործական կենտրոններից, միջին մասնագիտական և բարձրագույն ուսումնական հաստատություններից, ինչպես նաև անհատ ստեղծագործողներ։
Հայտերն ընդունվում են ս.թ. հոկտեմբերի 1-ից նոյեմբերի 10-ը: Փառատոնի առաջին փուլը կանցկացվի Հայաստանի մարզերում՝ ս.թ. նոյեմբերի 17-ից, իսկ երկրորդ փուլը՝ Վաղարշապատի Կոմիտասի անվան մշակույթի պալատում։ Փառատոնի մրցանակաբաշխությունը տեղի կունենա դեկտեմբեր ամսին՝ ՀՀ Վայոց ձորի Ջերմուկ քաղաքում։
Կից ներկայացվում է մրցույթ-փառատոնի կանոնակարգը, անցկացման ժամանակացույցը, ինչպես նաև մասնակցության հայտը: