Ղեկավարվելով Հայաստանի Հանրապետության «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետով, «Իրավունք հաստատող փաստաթղթերը չպահպանված անհատական բնակելի տների կարգավիճակի մասին» օրենքի 1-ին, 2-րդ հոդվածներով, Հայաստանի Հանրապետության հողային օրենսգրքի 3-րդ հոդվածի 1-ին կետով, 64-րդ հոդվածի 2-րդ մասով, հիմք ընդունելով Հայաստանի Հանրապետության կառավարության 2006 թվականի նոյեմբերի 30-ի N 1730-Ն որոշումը, Հայաստանի Հանրապետության կառավարության 2011 թվականի դեկտեմբերի 29-ի N 1920-Ն որոշմամբ հաստատված կարգի 24-րդ կետի 3-րդ ենթակետը, Մալիշկա գյուղի հողային բարեփոխումների և սեփականաշնորհման տեղական հանձնաժողովի 1991 թվականի ապրիլի 9-ի N 4 որոշման քաղվածքը, Վայոց ձորի մարզի նոտարական տարածքի նոտար Լուսինե Կարենի Սանթոյանի կողմից 2025 թվականի հունվարի 29-ին հաստատված՝ ըստ օրենքի ժառանգության իրավունքի վկայագրերը (Ժ/Գ 23/2025, Ժ/Գ 25/2025), ժառանգ Ռաֆիկ Սարիբեկի Այվազյանի դիմումը և առաջին պետական գրանցման հանգամանքը.

1․Ճանաչել քաղաքացի Ռաֆիկ Սարիբեկի Այվազյանի (ծնված՝ 02․09․1954թ․) սեփականության իրավունքը Եղեգնաձոր համայնքի Մալիշկա բնակավայրի 2-րդ փողոց, 2-րդ նրբանցք, 1 հասցեում գտնվող բնակելի տան, օժանդակ շինությունների (կադաստրային ծածկագիր՝ 10-032-0045-0004) և Եղեգնաձոր համայնքի Մալիշկա բնակավայրի 28-րդ փողոց, 2 հողամաս հասցեում չափից ավել օգտագործվող 258.3 քմ (կադաստրային ծածկագիր` 10-032-0180-0001) բնակավայրերի նշանակության հողի նկատմամբ:

2. Բնակելի տունը և օժանդակ շինությունները կառուցվել են մինչև 2001 թվականը, չեն գտնվում Հայաստանի Հանրապետության հողային օրենսգրքի 60-րդ հոդվածով սահմանված հողամասերի, այդ թվում` ինժեներատրանսպորտային օբյեկտների օտարման գոտիներում, չեն հակասում քաղաքաշինական նորմերին, չեն առաջացնում սերվիտուտ. համապատասխանում են «Իրավունք հաստատող փաստաթղթերը չպահպանված անհատական բնակելի տների կարգավիճակի մասին» ՀՀ օրենքի 1-ին և 2-րդ հոդվածներով նախատեսված պայմաններին:

3․Սույն որոշման 1-ին կետում նշված ավել օգտագործվող 258.3 քառ․ մ հողը չի գտնվում ինժեներատրանսպորտային օբյեկտների օտարման կամ անվտանգության գոտիներում, այդ իրավունքի ճանաչումը չի սահմանափակում այլ անձանց իրավունքները և չի առաջացնում սերվիտուտ:

4. Եղեգնաձոր համայնքի Մալիշկա բնակավայրի 28-րդ փողոց 2 հողամաս հասցեում գտնվող 0.06921 հա մակերեսով բնակավայրերի նշանակության այլ հողի (կադաստրային ծածկագիր` 10-032-0180-0001) գործառնական նշանակությունը փոփոխել՝ դարձնելով բնակելի կառուցապատման:

5. Սույն որոշումն ուժի մեջ է մտնում հրապարակմանը հաջորդող օրվանից։