Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 22-րդ և 24-րդ կետերով, ՀՀ հողային օրենսգրքի 3-րդ հոդվածի 1-ին կետով, «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասով, հիմք ընդունելով Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 29-րդ և 50-րդ կետերը, Հայաստանի Հանրապետության կառավարության 2006 թվականի նոյեմբերի 30-ի N 1730-Ն որոշումը, Հայաստանի Հանրապետության կառավարության 2011 թվականի դեկտեմբերի 29-ի N 1920-Ն որոշմամբ հաստատված կարգի 24-րդ կետի 3-րդ ենթակետի պահանջները, Եղեգնաձոր համայնքի ավագանու 2024 թվականի դեկտեմբերի 24-ի թիվ 119-Ն որոշման 2-րդ հավելվածի 19-րդ կետը և սեփականատեր Ռոման Գևորգյանի դիմումը.

1․ Քաղաքացի Ռոման Անդրանիկի Գևորգյանին սեփականության իրավունքով պատկանող Եղեգնաձոր համայնք, գ. Գլաձոր, 33-րդ փողոց, 4-րդ փակուղի, 16 հողամաս (անշարժ գույքի նկատմամբ իրավունքների պետական գրանցման վկայական N 24072018-10-0010), գ. Գլաձոր, 33-րդ փողոց, 15/1 հողամաս (անշարժ գույքի նկատմամբ իրավունքների պետական գրանցման վկայական 12072017-10-0008) և գ. Գլաձոր, 33-րդ փողոց, 4-րդ փակուղի, 14 հողամաս (անշարժ գույքի նկատմամբ իրավունքների պետական գրանցման վկայական 23032017-10-0013) հասցեներում գրանցված անշարժ գույքերը միավորել տրամադրելով հետևյալ հասցեն՝ Եղեգնաձոր համայնք, գյուղ Գլաձոր, 33-րդ փողոց, 15/1 հողամաս։

2. Եղեգնաձոր համայնքի Գլաձոր բնակավայրի 33-րդ փողոց 15/1 հողամաս հասցեում գտնվող, քաղաքացի Ռոման Անդրանիկի Գևորգյանին սեփականության իրավունքով պատկանող 0.01 հա (կադաստրային ծածկագիր` 10-015-0072-0011, անշարժ գույքի նկատմամբ իրավունքների պետական գրանցման վկայական 12072017-10-0008) մակերեսով բնակավայրերի նշանակության բնակելի կառուցապատման հողի գործառնական նշանակությունը փոփոխել՝ դարձնելով հասարակական կառուցապատման:

3. Ուժը կորցրած ճանաչել Եղեգնաձոր համայնքի ղեկավարի 2023 թվականի դեկտեմբերի 21-ի՝ «Հողի գործառնական նշանակությունը փոխելու մասին» թիվ 784-Ա որոշումը:

4. Սույն որոշումն ուժի մեջ է մտնում հրապարակմանը հաջորդող օրվանից: