Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 5-րդ կետով և «Հայաստանի Հանրապետության բյուջետային համակարգի մասին» օրենքի 29-րդ հոդվածի 1-ին և 5-րդ, 33-րդ հոդվածի 4-րդ մասերի պահանջներով.

1․ Եղեգնաձոր համայնքի ավագանու 2026 թվականի հունվարի 7-ի թիվ 03-Ն որոշմամբ հաստատված բյուջեում կատարել հետևյալ փոփոխությունները․

1) Պետական բյուջեից տրամադրվող նպատակային հատկացումներ (սուբվենցիաներ) տողին (տող 1255) ավելացնել 4 469 950 (չորս միլիոն չորս հարյուր վաթսունինը հազար ինը հարյուր հիսուն) ՀՀ դրամ և այն նպատակաուղղել գործառնական դասակարգման բաժին 09 խումբ 01 դաս 01 (նախադպրոցական կրթություն) ոլորտի տնտեսագիտական դասակարգման 4637 (ընթացիկ դրամաշնորհներ պետական և համայնքների ոչ առևտրային կազմակերպություններին) հոդվածին, սոցիալական որոշ խմբերի` 1.5-5 տարեկան կրթության և զարգացման առանձնահատուկ կարիք ունեցող՝ Եղեգնաձոր համայնքի մանկապարտեզ ՀՈԱԿ հաճախող թվով 22 (քսաներկու) երեխաների նախադպրոցական կրթության ապահովման նպատակով.

2) Պակասեցնել՝ գործառնական դասակարգման 11․01․02 (պահուստային ֆոնդ) ոլորտի տնտեսագիտական դասակարգման 4891 (պահուստային միջոցներ) հոդվածից 2 500 000 (երկու միլիոն հինգ հարյուր հազար) ՀՀ դրամ և այն ավելացնել գործառնական դասակարգման՝

ա. 01.06.01 (ընդհանուր բնույթի հանրային ծառայություններ) ոլորտի տնտեսագիտական դասակարգման 5129 (այլ մեքենաներ և սարքավորումներ) հոդվածին 1 000 000 (մեկ միլիոն) ՀՀ դրամ՝ համայնքի բնակելի շենքերի բակերում նստարանների ձեռք բերման և տեղադրման ֆինանսավորման համար,

բ. 01.01.01 (օրենսդիր և գործադիր մարմինների պետական կառավարում) ոլորտի տնտեսագիտական դասակարգման 4239 (ընդհանուր բնույթի այլ ծառայություններ) հոդվածին՝ 1 500 000 (մեկ միլիոն հինգ հարյուր հազար) ՀՀ դրամ քաղաքացիաիրավական բնույթի պայմանագրերով ծառայությունների մատուցման ֆինանսավորման համար:

2․ Սույն որոշումն ուժի մեջ է մտնում հրապարակմանը հաջորդող օրվանից: