Ղեկավարվելով «Տեղական ինքնակառավարման մասին» Հայաստանի Հանրապետության օրենքի 14-րդ հոդվածի 6-րդ մասի պահանջներով․

1․ Հաստատել Եղեգնաձոր համայնքի ավագանու 2023 թվականի հունվարի 26-ի արտահերթ նիստի հետևյալ օրակարգը.

1) Եղեգնաձոր համայնքի ավագանու 2023 թվականի հունվարի 26-ի արտահերթ նիստի օրակարգը հաստատելու մասին:

2) Եղեգնաձոր համայնքի 2023 թվականի բյուջեն հաստատելու մասին:

3) Եղեգնաձոր համայնքի 2022 թվականի բյուջեի 4-րդ եռամսյակի ընթացքի մասին։

4) «Եղեգնաձոր համայնքի թիվ 2 մանկապարտեզ» համայնքային ոչ առևտրային կազմակերպությունը վերանվանելու և կանոնադրությունը հաստատելու մասին։

5) Տեղական վճարի գծով արտոնություն սահմանելու մասին։

6) Եղեգնաձոր համայնքի ավագանու 2022 թվականի դեկտեմբերի 23-ի 156-Ա որոշման թիվ 1, 6 և 10 հավելվածները նոր խմբագրությամբ շարադրելու մասին։

7) Եղեգնաձոր համայնքի ավագանու 2022 թվականի դեկտեմբերի 23-ի թիվ 160-Ա որոշման մեջ փոփոխություն կատարելու մասին։

8) Համայնքային սեփականություն հանդիսացող հողամասի նպատակային նշանակությունը փոփոխելու համար համաձայնություն տալու մասին։

9) «Թավիթիան Վինյարդս» սահմանափակ պատասխանատվությամբ ընկերությանը սեփականության իրավունքով պատկանող հողամասի նպատակային նշանակությունը փոփոխելու համար համաձայնություն տալու մասին։

10) «Թավիթիան Վինյարդս» սահմանափակ պատասխանատվությամբ ընկերությանը սեփականության իրավունքով պատկանող հողամասի նպատակային նշանակությունը փոխելու մասին։

11) Տեղական տուրքի գծով արտոնություն սահմանելու մասին։

12) Ծառեր հատելու համար թույլտվություն տալու մասին։

2. Սույն որոշումն ուժի մեջ է մտնում ստորագրման պահից։