Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով և «Շրջակա միջավայրի վրա ազդեցության գնահատման և փորձաքննության մասին» Հայաստանի Հանրապետության օրենքի 16-րդ հոդվածի 3-րդ մասի պահանջով, հիմք ընդունելով 2024 թվականի դեկտեմբերի 24-ին Մալիշկա բնակավայրում անցկացված հանրային լսման արձանագրությունը և այն հանգամանքը, որ հանրային լսման արդյունքում բնակչությունը նախատեսվող գործունեությանը տվել է բացասական կարծիք․

1․ Տալ անհամաձայնություն՝ Եղեգնաձոր համայնքի Մալիշկա բնակավայրի վարչական տարածքում «ԳԵԼԻՈ» սահմանափակ պատասխանատվությամբ ընկերության կողմից նախատեսվող գործունեությանը, համաձայն որի նախատեսվում էր «Մոզ» կոչվող տարածքում 8.22 հա հողատարածքի (կադաստրային ծածկագիր` 10-032-0274-0073) վրա կատարել երկրաբանահետախուզական աշխատանքներ՝ բազալտների որակական և քանակական գնահատական տալու, հետագայում արդյունահանման նպատակով:

2․ Սույն որոշումն ուժի մեջ է մտնում ստորագրման պահից։