Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, հիմք ընդունելով Հայաստանի Հանրապետության կառավարության 2002 թվականի փետրվարի 2-ի N 88 որոշմամբ հաստատված կարգը, Հայաստանի Հանրապետության կառավարության 2011 թվականի դեկտեմբերի 29-ի թիվ 1920-Ն որոշմամբ հաստատված կարգի 24-րդ կետի 3-րդ ենթակետը, Հայաստանի Հանրապետության կառավարության 2021 թվականի ապրիլի 15-ի թիվ 600-Ն որոշումը և սեփականատեր Յուրա Մելքոնյանի լիազոր անձ Թեհմինե Բաղդասարյանի դիմումը.

1. Եղեգնաձոր համայնքի Եղեգնաձոր քաղաքի Կամոյի փողոց 25/4 հասցեում գտնվող, քաղաքացի Յուրա Հրաչիկի Մելքոնյանին սեփականության իրավունքով պատկանող 0․007 հա մակերեսով (կադաստրային ծածկագիր՝ 10-001-0140-0061, անշարժ գույքի նկատմամբ իրավունքների պետական գրանցման վկայական N 24122024-10-0006) բնակավայրերի նշանակության հասարակական կառուցապատման հողի գործառնական նշանակությունը փոփոխել՝ դարձնելով խառը կառուցապատման:

2. Սույն որոշման առաջին կետում նշված հողում առկա (կադաստրային ծածկագիր` 10-001-0140-0061-001) 175.95 քմ ընդհանուր մակերեսով առևտրի սրահի 56.82 քմ մակերեսով երկրորդ հարկի գործառնական նշանակությունը փոփոխել՝ դարձնելով բնակելի (բնակելի տուն)՝ առանց ճարտարապետահատակագծային առաջադրանքի և շինարարության թույլտվության:

3. Սույն որոշումն ուժի մեջ է մտնում հրապարակմանը հաջորդող օրվանից։