Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 18-րդ կետի, «Տեղական տուրքերի և վճարների մասին» Հայաստանի Հանրապետության օրենքի 8-14-րդ հոդվածների և «Աղբահանության և սանիտարական մաքրման մասին» Հայաստանի Հանրապետության օրենքի 14-րդ հոդվածի պահանջներով՝

1. Սահմանել Վայոց ձորի մարզի Եղեգնաձոր համայնքի տարածքում տեղական տուրքերի 2022 թվականի դրույքաչափերը՝ համաձայն սույն որոշման N 1 հավելվածի։

2. Սահմանել Վայոց ձորի մարզի Եղեգնաձոր համայնքի տարածքում տեղական վճարների 2022 թվականի դրույքաչափերը՝ համաձայն սույն որոշման N 2 հավելվածի։

3. Սույն որոշման N 1 հավելվածի 1-6 կետերով սահմանված տեղական տուրքերի դրույքաչափերը համայնքի գյուղական բնակավայրերում հաշվարկել 0.5, 7-18-րդ կետերով սահմանված դրույքաչափերը՝ 0.3, իսկ Եղեգնաձոր քաղաքային բնակավայրում՝ հավելվածի 14-րդ կետում նշված դրույքաչափը 1.5 գործակիցներով։

4․Սույն որոշումն ուժի մեջ է մտնում պաշտոնական հրապարակմանը հաջորդող օրը և տարածվում է 2022 թվականի հունվարի 1-ից հետո առաջացած հարաբերությունների վրա: