Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42-րդ կետով և 77-րդ հոդվածի 3-րդ մասի պահանջով, համաձայն Հայաստանի Հանրապետության քաղաքացիական օրենսգրքի 594-րդ հոդվածի․

1․ Հաստատել Եղեգնաձոր համայնքի գույքագրման փաստաթղթերում կատարված փոփոխությունը, համաձայն որի՝ Վայրի բնության և մշակութային արժեքների պահպանման հիմնադրամի կողմից Եղեգնաձոր համայնքին նվիրատվության թիվ ՆՏ-09-24 պայմանագրով հանձնված՝ ընդհանուր 5 573 000 (հինգ միլիոն հինգ հարյուր յոթանասուներեք հազար) ՀՀ դրամ արժողությամբ թվով 5 հատ էլեկտրական ցանկապատ համակարգերը ընդգրկվել են համայնքի գույքացուցակում։

2․ Սույն որոշման առաջին կետում նշված էլեկտրական ցանկապատ համակարգերը օգտագործել նպատակային՝ համաձայն նվիրատվության թիվ ՆՏ-09-24 պայմանագրի։

3․ Սույն որոշումն ուժի մեջ է մտնում պաշտոնական հրապարակմանը հաջորդող օրվանից։