Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 25-րդ կետի պահանջներով, հիմք ընդունելով Հայաստանի Հանրապետության կառավարության 2006 թվականի նոյեմբերի 16-ի N 1708-Ն որոշման N 2 հավելվածով հաստատված կարգի 12-րդ կետի 2-րդ ենթակետի «ա» պարբերությունը և այն հանգամանքը, որ համայնքի կողմից ֆինանսական ներդրումներ կատարելու պայմանով 2024 թվականին Հայաստանի Հանրապետության բյուջեից համայնքներին հատկացվելու են նպատակային հատկացումներ (սուբվենցիա)․

1. Տալ համաձայնություն Եղեգնաձոր համայնքի կողմից 2024 թվականին ներկայացվող, համայնքի սոցիալական և տնտեսական ենթակառուցվածքների զարգացմանն ուղղված սուբվենցիոն ծրագրերին.

1) «Եղեգնաձոր համայնքի Մալիշկա բնակավայրի ներհամայնքային 3-րդ, 4-րդ, 20-րդ, 24-րդ, 25-րդ, 26-րդ և 29-րդ փողոցների լուսավորության ցանցի կառուցում»,

2) «Եղեգնաձոր համայնքի Եղեգնաձոր բնակավայրի Վարդան Զորավար և Շահումյան փողոցների բարեկարգում և ասֆալտապատում»,

3) «Եղեգնաձոր համայնքի Եղեգնաձոր բնակավայրի Մոմիկի 8, Սևակի 3, Նարեկացի 3, Անդրանիկի 3 և 12, Շահումյան 15, Միկոյան 15, Արսենյան 2 և 4 բազմաբնակարան բնակելի շենքերի բակերի բարեկարգում և ասֆալտապատում»,

4) «Եղեգնաձոր համայնքի Գլաձոր բնակավայրի ներհամայնքային փողոցների ասֆալտապատում»։

2. Առաջարկել համայնքի ղեկավարին՝ Հայաստանի Հանրապետության կառավարության 2006 թվականի նոյեմբերի 16-ի N 1708-Ն որոշմամբ հաստատված կարգին համապատասխան՝ կազմել և Վայոց ձորի մարզպետարան ներկայացնել սույն որոշման 1-ին կետում նշված ծրագրերի ֆինանսավորման հայտերի փաթեթները։

3. Սույն որոշման 1-ին կետում նշված սուբվենցիոն ծրագրերի իրականացման նպատակով ներդրում կատարելու համար՝ համայնքի 2024 թվականի բյուջեում նախատեսել բավարար ֆինանսական միջոցներ:

4․ Սույն որոշումն ուժի մեջ է մտնում հրապարակմանը հաջորդող օրվանից։