Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 21-րդ կետի, Հայաստանի Հանրապետության ընդերքի մասին օրենսգրքի 17-րդ հոդվածի 3-րդ մասի 1-ին կետի պահանջներով, համաձայն Հայաստանի Հանրապետության քաղաքացիական օրենսգրքի 606-628 հոդվածների, հիմք ընդունելով Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի 44-րդ կետի «ը» ենթակետի պահանջները, լեռնահատկացման N Լ-585 ակտը և «Մուլտի Գրուպ Կոնցեռն» ՍՊԸ-ի կողմից ներկայացված դիմումը.

1. Եղեգնաձոր համայնքի Եղեգնաձոր քաղաքի վարչական տարածքում գտնվող 2.26854 հա (հասցե՝ ք. Եղեգնաձոր 5 հողամաս, կադաստրային ծածկագիր՝ 10-001-0383-0164), 1.70996 հա (հասցե՝ ք. Եղեգնաձոր 7 հողամաս, կադաստրային ծածկագիր՝ 10-001-0383-0165), 0.78356 հա (հասցե՝ ք. Եղեգնաձոր 6 հողամաս, կադաստրային ծածկագիր՝ 10-001-0383-0177), 1.11419 հա (հասցե՝ ք. Եղեգնաձոր 4 հողամաս, կադաստրային ծածկագիր՝ 10-001-0383-0190), 0.13833 հա (կադաստրային ծածկագիր՝ 10-001-0383-0188) և 0.04683 հա (հասցե՝ ք. Եղեգնաձոր 7 հողամաս, կադաստրային ծածկագիր՝ 10-001-0383-0191) մակերեսներով արդյունաբերության, ընդերքօգտագործման և այլ արտադրական նշանակության ընդերքի օգտագործման համար տրամադրված հողամասերը՝ 18 (տասնութ) տարի ժամկետով, ընդերքօգտագործման նպատակով, առանց մրցույթի վարձակալության իրավունքով տրամադրել «Մուլտի Գրուպ Կոնցեռն» ՍՊԸ-ին։

2․ Սույն որոշման առաջին կետում նշված անշարժ գույքերի վարձակալության համար ամսական գումար սահմանել՝ ընդհանուր 666 670 (վեց հարյուր վաթսունվեց հազար վեց հարյուր յոթանասուն) ՀՀ դրամ։

3․ Առաջարկել համայնքի ղեկավարին՝ հողօգտագործման (ընդերքօգտագործման) նպատակով «Մուլտի Գրուպ Կոնցեռն» ՍՊԸ-ի հետ կնքել անշարժ գույքերի վարձակալության պայմանագրեր, որոնցում պարտադիր ներառված լինեն համայնքի սոցիալ-տնտեսական զարգացմանն ուղղված ծրագրերի մասով ներդրումներ՝ տարեկան ընդհանուր 4 000 000 (չորս միլիոն) ՀՀ դրամի չափով նվազագույնը:

4. Սույն որոշման 3-րդ կետում նշված պայմանագրերի նոտարական վավերացման և պետական գրանցման ծախսերը թողնել «Մուլտի Գրուպ Կոնցեռն» ՍՊԸ-ի վրա։

5. Սույն որոշումն ուժի մեջ է մտնում հրապարակմանը հաջորդող օրվանից: