Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին մասի 3-րդ կետի դրույթներով․

1․ Եղեգնաձոր համայնքի ղեկավարի 2024 թվականի հունվարի 29-ի «Ինքնակամ կառույցի օրինականացման մասին» թիվ 46-Ա որոշման 1-ին և 2-րդ կետերը խմբագրել ստորև բերված նոր խմբագրությամբ․

«1. Եղեգնաձոր համայնքի Գետափ բնակավայրի Երևանյան խճուղի 8 հասցեում՝ «Թավիթիան Վինյարդս» ՍՊԸ-ին սեփականության իրավունքով պատկանող հողատարածքում (անշարժ գույքի նկատմամբ իրավունքների պետական գրանցման վկայական N 14052020-10-0004)՝ 121.94 քմ ներքին և 140.2 քմ արտաքին մակերեսներով ինքնակամ կառուցված շինությունը, նույն շենքի՝ օրինական կառուցված առաջին հարկում մեկ դռան և մեկ պատուհանի ձևափոխումները (փակված մեկ դուռ և մեկ պատուհան՝ ձևափոխված դռան) համարել օրինական (որակավորում ունեցող անձի կողմից չափագրման տվյալների մուտքագրման ծածկագիր՝ 2024HDPLN4):

2․ Առաջարկել կառույցն իրականացրած «Թավիթիան Վինյարդս» ՍՊԸ-ին, 1 քմ շինության օրինականացման համար Եղեգնաձորի համայնքապետարանի 900355101099 հաշվեհամարին վճարել 2420 (երկու հազար չորս հարյուր քսան) ՀՀ դրամ և յուրաքանչյուր ձևափոխության համար՝ 1209 (մեկ հազար երկու հարյուր ինը) ՀՀ դրամ, ընդամենը՝ 341 710 (երեք հարյուր քառասունմեկ հազար յոթ հարյուր տաս) ՀՀ դրամ՝ համաձայն Հայաստանի Հանրապետության կառավարության 2020 թվականի հունիսի 4-ի N 1023-Ն որոշմամբ սահմանված տարածագնահատման (գտնվելու վայրի) գոտիների և «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» Հայաստանի Հանրապետության օրենքի 4-րդ հոդվածի 2-րդ մասի 6-րդ կետով սահմանված շինության տարածագնահատման գոտիականության գործակիցների:»։

2․ Սույն որոշումն ուժի մեջ է մտնում որոշման մասին «Թավիթիան Վինյարդս» ՍՊԸ-ին իրազեկելու պահից: