Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 18-րդ հոդվածի 1-ին մասի 21-րդ կետի պահանջներով, հիմք ընդունելով 2008 թվականի սեպտեմբերի 5-ին կնքված համայնքային սեփականություն հանդիսացող հողամասի կառուցապատման իրավունքի տրամադրման պայմանագրի 9-րդ գլխի 9․1 կետը․ 1․ Տալ համաձայնություն 2008 թվականի սեպտեմբերի 5-ին Դավիթ Օհանյանի և Եղեգնաձորի քաղաքապետարանի միջև կնքված համայնքային սեփականություն հանդիսացող հողամասի կառուցապատման իրավունքի տրամադրման պայմանագրի 5-րդ գլխի 5․1 փոփոխել՝ կողմերի համաձայնությամբ։
2․ Կառուցապատման իրավունքի տարեկան վճար սահմանել 280000 (երկու հարյուր ութսուն հազար) ՀՀ դրամը։
3․ Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Դավիթ Օհանյանի կողմից:
4․ Սույն որոշումն ուժի մեջ է մտնում հրապարակմանը հաջորդող օրվանից։ |