ՆԱԽԱԳԻԾ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, Հայաստանի Հանրապետության հողային օրենսգրքի 64-րդ հոդվածի 2-րդ մասով, հիմք ընդունելով Եղեգնաձորի հողային բարեփոխումների և սեփականաշնորհման տեղական հանձնաժողովի 1991 թվականի ապրիլի 5-ի N 5 որոշման քաղվածքը, Վայոց ձորի մարզի նոտարական տարածքի նոտար Լուսինե Կարենի Սանթոյանի կողմից 2025 թվականի հունվարի 15-ին հաստատված՝ ըստ օրենքի ժառանգության իրավունքի լրացուցիչ վկայագիրը, ժառանգ Արմեն Մարկոսյանի դիմումը և առաջին պետական գրանցման հանգամանքը.

1. Ճանաչել քաղաքացիներ Արմեն Բենիկի Մարկոսյանի (ծնված` 25․09․1957թ.) և Արևիկ Ռոբերտի Ասատրյանի (ծնված` 25․09․1962թ.) սեփականության իրավունքը Եղեգնաձոր համայնքի Եղեգնաձոր բնակավայրում գտնվող հողաբաժնի չափից ավել օգտագործվող 300 քմ գյուղատնտեսական նշանակության վարելահող հողատեսքի նկատմամբ (կադաստրային ծածկագիր 10-001-0372-0021), իսկ մնացած 77․7 քմ վարելահող հողատեքսը թողնել որպես համայնքային սեփականություն։

2. Սույն որոշման 1-ին կետում նշված ավել օգտագործվող հողը չի գտնվում ինժեներատրանսպորտային օբյեկտների օտարման կամ անվտանգության գոտիներում, և այդ իրավունքի ճանաչումը չի սահմանափակում այլ անձանց իրավունքները և չի առաջացնում սերվիտուտ:

3. Սույն որոշումն ուժի մեջ է մտնում հրապարակմանը հաջորդող օրվանից։