ՆԱԽԱԳԻԾ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, համաձայն Հայաստանի Հանրապետության կառավարության 2006 թվականի մայիսի 18-ի N 912-Ն որոշման, Հայաստանի Հանրապետության կառավարության 2006 թվականի նոյեմբերի 30-ի N 1730-Ն որոշման պահանջների, հիմք ընդունելով քաղաքացի Մամիկոն Հայկարամի Սարդարյանի 2025 թվականի հուլիսի 28-ի դիմումը (մուտքի թիվ՝ 721դ), այն հանգամանքը, որ Եղեգնաձոր համայնքի Գետափ բնակավայրի 12-րդ փողոց, 5 հասցեում ինքնակամ կառուցված շինության պահպանումը չի խախտում այլ անձանց իրավունքներն ու օրենքով պահպանվող շահերը, վտանգ չի սպառնում կյանքին և առողջությանը, կառուցված չէ Հայաստանի Հանրապետության հողային օրենսգրքի 60-րդ հոդվածով նախատեսված հողամասերի վրա, այդ թվում՝ ինժեներատրանսպորտային օբյեկտների օտարման ու անվտանգության գոտիներում, քաղաքաշինական նորմերի ու կանոնների էական խախտումներով, չի առաջացնում հարկադիր սերվիտուտ պահանջելու իրավունք. 

1. Եղեգնաձոր համայնքի  Գետափ բնակավայրի 12-րդ փողոց, 5 հասցեում գտնվող, Մամիկոն Հայկարամի Սարդարյանին, Էլմիրա Ֆրունզիկի Դանիելյանին և Արման Մամիկոնի Սարդարյանին սեփականության իրավունքով պատկանող (անշարժ գույքի նկատմամբ իրավունքների պետական գրանցման վկայական N 1424297) ինքնակամ կառուցված՝ ըստ չափագրման տվյալների 99.20 քմ արտաքին մակերեսով և 76.31 քմ ներքին մակերեսով շինությունը (չափագրման տվյալների մուտքագրման ծածկագիր` 2023KESNSM) ճանաչել օրինական:

2. Առաջարկել կառույցն իրականացրած Մամիկոն Հայկարամի Սարդարյանին (ծնված` 19.08.1959թ.), Էլմիրա Ֆրունզիկի Դանիելյանին (ծնված` 02.07.1962թ.) և Արման Մամիկոնի Սարդարյանին (ծնված` 30.08.1991թ.) շինության օրինականացման համար Եղեգնաձորի համայնքապետարանի 900355101099 հաշվեհամարին վճարել՝ 1 քմ շինության համար 1209 (մեկ հազար երկու հարյուր ինն) ՀՀ դրամ, ընդամենը` 119933 (մեկ հարյուր տասնինը հազար ինը հարյուր երեսուներեք) ՀՀ դրամ՝ հաշվի առնելով Հայաստանի Հանրապետության կառավարության 2020 թվականի հունիսի 6-ի թիվ 1023-Ն որոշմամբ հաստատված գործակիցները:

3․ Կառույցը համապատասխանում է համայնքային նշանակության քաղաքաշինության համալիր ծրագրով նախատեսված գոտիներում գտնվող կառույցների ծրագրերի պայմաններին:

4․ Սույն որոշման ընդունման օրվանից օրինականացման համար սահմանված վճարը 60 օրյա ժամկետում չվճարելու դեպքում որոշումը համարվում է ուժը կորցրած:

5. Սույն որոշումն ուժի մեջ է մտնում հրապարակմանը հաջորդող օրվանից: