Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 16-րդ և 24-րդ կետերի դրույթներով, Հայաստանի Հանրապետության հողային օրենսգրքի 80-րդ հոդվածով, հիմք ընդունելով Հայաստանի Հանրապետության կառավարության 12.04.2001 թվականի ապրիլի 12-ի N 286 որոշմամբ հաստատված կարգի 8-րդ գլխի դրույթները, Եղեգնաձոր համայնքի ավագանու 2024 թվականի դեկտեմբերի 24-ի N 125-Ա որոշումը և 2025 թվականի մայիսի 14-ին Եղեգնաձորի համայնքապետարանում անցկացված մրցույթի արդյունքները.

1. Եղեգնաձոր համայնքի Գլաձոր բնակավայրի 14-րդ փողոց 1/2 հասցեում գտնվող համայնքային սեփականություն հանդիսացող 10-015-0133-0010 կադաստրային ծածկագրով, 0.33657 հա մակերեսով նպատակային նշանակությունը` արդյունաբերական, ընդերքօգտագործման և այլ արտադրական նշանակության, գործառնական նշանակությունը` գյուղատնտեսական արտադրական օբյեկտների, հողատարածքը վարձակալությամբ հատկացնել մրցույթում հաղթող ճանաչված Արման Վարդանի Վարդանյանին 25 տարի ժամկետով:

2. Տարեկան վարձավճարը սահմանել 52 000 (հիսուներկու հազար) ՀՀ դրամ:

3. Յուրաքանչյուր ամսվա վարձավճարը կազմում է 4334 (չորս հազար երեք հարյուր երեսունչորս) ՀՀ դրամ, վարձավճարը վարձակալի կողմից մուծվում է հավասար չափերով՝ ըստ օրացույցային եռամսյակների, ոչ ուշ քան մինչև համապատասխան եռամսյակի վերջին ամսվա 20-ը: Առաջին վարձակալական վճարումը կատարվում է ոչ ուշ քան պայմանագրի ուժի մեջ մտնելուց 10 օրվա ընթացքում, վերջին վարձակալական վճարումը կատարվում է ոչ ուշ, քան մինչև պայմանագրի գործողության ժամկետի վերջին ամսվա 25-ը:

4. Սույն որոշումն ուժի մեջ է մտնում հրապարակմանը հաջորդող օրվանից: