Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 5-րդ կետով և «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 29-րդ հոդվածի 5-րդ և 33-րդ հոդվածի 4-րդ մասերի պահանջներով. 1․ Եղեգնաձոր համայնքի ավագանու 2025 թվականի հունվարի 21-ի թիվ 02-Ն որոշմամբ հաստատված բյուջեում կատարել հետևյալ փոփոխությունները․
1) Օրենքով և իրավական այլ ակտերով սահմանված համայնքի վարչական բյուջե մուտքագրվող այլ եկամուտներ տողին (տող 1393) ավելացնել 3 878 000 (երեք միլիոն ութ հարյուր ութսունյոթ հազար) ՀՀ դրամ և այն նպատակաուղղել 09․01․01 (նախադպրոցական կրթություն) ոլորտի տնտեսագիտական դասակարգման 4637 (ընթացիկ դրամաշնորհներ պետական և համայնքների ոչ առևտրային կազմակերպություններին) հոդվածին՝ 1.5-5 տարեկան կրթության և զարգացման առանձնահատուկ կարիք ունեցող երեխաների նախադպրոցական կրթության ապահովմանը, այդ թվում՝
ա․ «Եղեգնաձորի թիվ 2 մսուր մանկապարտեզ» ՀՈԱԿ հաճախող թվով 6 (վեց) երեխաների համար՝ 969 500 (ինը հարյուր վաթսունինը հազար հինգ հարյուր) ՀՀ դրամ,
բ․ «Եղեգնաձորի թիվ 5 մանկապարտեզ» ՀՈԱԿ հաճախող թվով 12 (տասներկու) երեխաների համար՝ 1 939 000 (մեկ միլիոն ինը հարյուր երեսունինը հազար) ՀՀ դրամ,
գ․ Եղեգնաձոր համայնքի Գետափ բնակավայրի «Արևիկ» մսուր մանկապարտեզ ՀՈԱԿ հաճախող թվով 6 (վեց) երեխաների համար՝ 969 500(ինը հարյուր վաթսունինը հազար հինգ հարյուր) ՀՀ դրամ․
2) գործառնական դասակարգման 08․01․01 (հանգստի և սպորտի ծառայություններ) ոլորտի տնտեսագիտական դասակարգման 4221 (ներքին գործուղումներ) հոդվածից պակասեցնել 450 000 (չորս հարյուր հիսուն հազար) ՀՀ դրամ և այն ավելացնել 08.02.04 (այլ մշակութային կազմակերպություններ) ոլորտի տնտեսագիտական դասակարգման 4727 (կրթական, մշակութային և սպորտային նպաստներ բյուջեից) հոդվածին՝ Եղեգնաձոր համայնքում գործող թվով 6 դպրոցների 9 ավարտական 12-րդ դասարանների վերջին զանգի միջոցառմանն աջակցելու համար, յուրաքանչյուր դասարանին՝ 50 000 (հիսուն հազար) ՀՀ դրամ։
2․ Սույն որոշումն ուժի մեջ է մտնում հրապարակմանը հաջորդող օրվանից: |