Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 22-րդ և 24-րդ կետերով, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 4-րդ հոդվածի 2-րդ մասի 6-րդ կետի պահանջներով, հիմք ընդունելով քաղաքացի Զաքար Վաչիկի Մաթևոսյանի կողմից ներկայացված դիմումը (մուտքի թիվ՝ 1752), Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-րդ, 9-րդ, 10-րդ, 11-րդ և 13-րդ կետերի, Հայաստանի Հանրապետության կառավարության 2020 թվականի հունիսի 4-ի N 1023-Ն որոշման, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 29-րդ և 50-րդ կետերի պահանջները, հաշվի առնելով այն հանգամանքը, որ Եղեգնաձոր համայնքի, Եղեգնաձոր քաղաքի Ս. Շահումյան փողոց, 19/3 հասցեում կառուցված ինքնակամ կառույցի պահպանումը չի խախտում այլ անձանց իրավունքներն ու օրենքով պահպանվող շահերը, վտանգ չի սպառնում կյանքին և առողջությանը, ինչպես նաև՝ ինքնակամ կառույցը կառուցված չէ ՀՀ հողային օրենսգրքի 60-րդ հոդվածով նախատեսված հողամասերի վրա, ինժեներատրանսպորտային օբյեկտների օտարման ու անվտանգության գոտիներում և քաղաքաշինական նորմերի ու կանոնների էական խախտումներով, չի առաջացնում հարկադիր սերվիտուտ պահանջելու իրավունք, չի հակասում սահմանված կարգով հաստատված գլխավոր հատակագծերի, քաղաքաշինական գոտիավորման նախագծերի, հողերի օգտագործման սխեմաների և քաղաքաշինական ծրագրերի պահանջներին.

1. Եղեգնաձոր համայնքի Եղեգնաձոր բնակավայրի Ս. Շահումյան փողոց 19/3 հասցեում գտնվող, համայնքային սեփականություն հանդիսացող հողատարածքում (կադաստրային ծածկագիր՝ 10-001-0000-0000) ինքնակամ կառուցված՝ 22.50 քմ ներքին մակերեսով և 24.6 քմ արտաքին մակերեսով շինությունը (ավտոտնակ) և 0.00246 հա զբաղեցված հողատարածքը համարել օրինական (որակավորում ունեցող անձի կողմից չափագրման տվյալների մուտքագրման ծածկագիր՝ 2023SPM7PZ):

2․ Առաջարկել կառույցն իրականացրած Զաքար Վաչիկի Մաթևոսյանին (ծնված՝ 19.12.1953թ.), 1 քմ շինության օրինականացման համար Եղեգնաձորի համայնքապետարանի 900355101099 հաշվեհամարին վճարել` 1969 (մեկ հազար ինը հարյուր վաթսունինը) ՀՀ դրամ և 900355101180 հաշվեհամարին՝ հողի 1 քմ-ի համար 4441.8 (չորս հազար չորս հարյուր քառասունմեկ դրամ ութ լումա) ՀՀ դրամ, ընդամենը 157 710 (մեկ հարյուր հիսունյոթ հազար յոթ հարյուր տաս) ՀՀ դրամ՝ հաշվի առնելով Հայաստանի Հանրապետության կառավարության 2020 թվականի հունիսի 6-ի N 1023-Ն որոշմամբ հաստատված գործակիցները:

3․ Կառույցը համապատասխանում է համայնքային նշանակության քաղաքաշինության համալիր ծրագրով նախատեսված գոտիներում գտնվող կառույցների ծրագրերի պայմաններին:

4․ Անշարժ գույքի նկատմամբ իրավունքի պետական գրանցման համար պահանջվող վճարները թողնել քաղաքացի Զաքար Վաչիկի Մաթևոսյանի վրա։

5. Եղեգնաձոր համայնքին սեփականության իրավունքով պատկանող անշարժ գույքին (կադաստրային ծածկագիր՝ 10-001-0000-0000) տրամադրել հետևյալ հասցեն` Եղեգնաձոր համայնք, քաղաք Եղեգնաձոր, Ս. Շահումյան փողոց, 19/3 ավտոտնակ:

6․ Սույն որոշումն ուժի մեջ է մտնում որոշման մասին անձին տեղեկացնելու պահից: