Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 22-րդ և 24-րդ կետերի պահանջներով, «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասով, հիմք ընդունելով Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 29-րդ և 50-րդ կետերը, Հայաստանի Հանրապետության կառավարության 2021 թվականի ապրիլի 15-ի N 600-Ն որոշումը, Հայաստանի Հանրապետության կառավարության 2011 թվականի դեկտեմբերի 29-ի N 1920-Ն որոշման կարգի 1-ին հավելվածի 25-րդ կետի 1-ին ենթակետը, Հայաստանի Հանրապետության կառավարության 2002 թվականի փետրվարի 2-ի N 88 որոշումը, «Վայոց ձոր-6» միկրոռեգիոնալ մակարդակի տարածական պլանավորման փաստաթղթերը, Եղեգնաձոր համայնքի ավագանու 2022 թվականի փետրվարի 24-ի թիվ 21-Ա որոշումը և այն հանգամանքը, որ Եղեգնաձոր համայնքի վարչական տարածքում գտնվող նախկին քաղաքային կաթսայատունը «Սեյվ Դը Չիլդրեն» ֆեդերեյշըն Ինկ կազմակերպության աջակցությամբ 2003 թվականին վերակառուցվել է և նույն թվականից շահագործվում է որպես մարզադպրոց.

1.Փոփոխել Եղեգնաձոր համայնքի Եղեգնաձոր բնակավայրի վարչական տարածքում գտնվող Եղեգնաձոր համայնքին պատկանող էներգետիկայի, կապի, տրանսպորտի, կոմունալ ենթակառուցվածքների օբյեկտների հողի (կադաստրային ծածկագիր 10-001-0046-0038) նպատակային նշանակությունը` դարձնելով բնակավայրերի հասարակական կառուցապատման:

2. Փոփոխել Եղեգնաձոր համայնքի Եղեգնաձոր բնակավայրի վարչական տարածքում գտնվող Եղեգնաձոր համայնքին պատկանող կաթսայատան (կադաստրային ծածկագիր 10-001-0046-0038-001) գործառնական նշանակությունը` դարձնելով մարզադպրոց (սպորտի, հանգստի և ժամանցի)` առանց ճարտարապետահատակագծային առաջադրանքի և շինարարության թույլտվության:

3. Սույն որոշման 1-ին և 2-րդ կետերում նշված անշարժ գույքին տրամադրել հետևյալ ճշտված հասցեն` Եղեգնաձոր համայնք, ք. Եղեգնաձոր, Վ. Գևորգյան փողոց 2/8 մարզադպրոց:

4. Եղեգնաձոր համայնքի ղեկավարի 2025 թվականի ապրիլի 29-ի N 249-Ա որոշումը ճանաչել ուժը կորցրած:

5. Սույն որոշումն ուժի մեջ է մտնում հրապարակմանը հաջորդող օրվանից։