ՆԱԽԱԳԻԾ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, հիմք ընդունելով համայնքի ավագանու 2025 թվականի ապրիլի 14- ի N 51-Ա որոշումը, Եղեգնաձոր համայնքում մասնակցային բյուջետավորման գործընթացի կազմակերպման և համակարգման նպատակով․

1. Եղեգնաձոր համայնքում 2025 թվականին մասնակցային բյուջետավորման գործընթացի կառավարման նպատակով ստեղծել հանձնաժողով՝ համաձայն N 1 հավելվածի։

2․ Սահմանել մասնակցային բյուջետավորման առաջարկների ներկայացման հայտի ձևաթուղթը՝ համաձայն N 2 հավելվածի,

3. Հանձնաժողովի նախագահին՝

1) կազմել և սույն որոշումն ուժի մեջ մտնելուց հետո 5-օրյա ժամկետում համայնքի ղեկավարի հաստատմանը ներկայացնել համայնքում 2025 թվականի մասնակցային բյուջետավորման գործընթացի իրականացման ժամանակացույցը՝ համաձայն N 3 հավելվածի,

2) հաստատված ժամանակացույցին համապատասխան կազմել և համայնքի ղեկավարին ներկայացնել մասնակցային բյուջետավորման գործընթացի յուրաքանչյուր փուլի ավարտի վերաբերյալ ընթացիկ և տարեկան ամփոփ հաշվետվություններ՝ համաձայն N 4 հավելվածի։

4. Սույն որոշումն ուժի մեջ է մտնում որոշման ընդունման մասին հանձնաժողովի անդամներին իրազեկելու օրվան հաջորդող օրվանից: