Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 5-րդ կետով և «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 29-րդ հոդվածի 5-րդ և 33-րդ հոդվածի 4-րդ մասերի պահանջներով. 1․ Եղեգնաձոր համայնքի ավագանու 2024 թվականի հունվարի 26-ի թիվ 03-Ն որոշմամբ հաստատված բյուջեում կատարել հետևյալ փոփոխությունները․
1) Եկամտային մասում՝
ա. Օրենքով և իրավական այլ ակտերով սահմանված համայնքի վարչական բյուջե մուտքագրվող այլ եկամուտներ տողին (տող 1393) ավելացնել 3 400 000 ՀՀ դրամ,
բ. Համայնքի բյուջե վճարվող պետական տուրքեր՝ նոտարական գրասենյակների կողմից նոտարական ծառայություններ կատարելու, նոտարական կարգով վավերացված փաստաթղթերի կրկնօրինակներ տալու, նշված մարմինների կողմից գործարքների նախագծեր և դիմումներ կազմելու, փաստաթղթերի պատճեններ հանելու և դրանցից քաղվածքներ տալու համար տողից (տող 1142) պակասեցնել 3 400 000 ՀՀ դրամ՝ կապված Եղեգնաձոր համայնքում նոտարական ծառայությունների դադարեցման հետ:
2) Ծախսային մասում՝ գործառնական դասակարգման 11․01․02 (պահուստային ֆոնդ) ոլորտի տնտեսագիտական դասակարգման 4891 (պահուստային միջոցներ) հոդվածից պակասեցնել 4 002 000 ՀՀ դրամ և այն նպատակաուղղել գործառնական դասակարգման՝
ա. 09․01․01 (նախադպրոցական կրթություն) ոլորտի տնտեսագիտական դասակարգման 4637 (ընթացիկ դրամաշնորհներ պետական և համայնքների ոչ առևտրային կազմակերպություններին) հոդվածին՝ 2 500 000 ՀՀ դրամ՝ «Եղեգնաձորի թիվ 2 մանկապարտեզ» ՀՈԱԿ-ի սանհանգույցի վերանորոգման աշխատանքների իրականացման ֆինանսավորման համար,
բ. 01.01.01 (օրենսդիր և գործադիր մարմիններ, պետական կառավարում) ոլորտի տնտեսագիտական դասակարգման 4267 (Կենցաղային և հանրային սննդի նյութեր) հոդվածին՝ 1 500 000 ՀՀ դրամ Եղեգնաձորի համայնքապետարանի կարիքների համար տնտեսական և այլ նյութերի ձեռքբերման համար։
գ. 01.03.03 ոլորտի տնտեսագիտական դասակարգման 4232 (համակարգչային ծառայություններ) հոդվածին՝ 2 000 ՀՀ դրամ՝ ՀԾ սպասարկման վճարի տարբերության ֆինանսավորման համար,
դ. 01.06.01 ոլորտի տնտեսագիտական դասակարգման 5112 (շենքերի և շինությունների կառուցում) հոդվածից պակասեցնել 1 600 000 ՀՀ դրամ և այն ավելացնել 01.01.01 (օրենսդիր և գործադիր մարմիններ, պետական կառավարում) ոլորտի տնտեսագիտական դասակարգման՝ 5122 (վարչական սարքավորումներ) հոդվածին՝ ջեռուցման համակարգի սարքավորումների ձեռքբերման նպատակով:
2․ Սույն որոշումն ուժի մեջ է մտնում հրապարակմանը հաջորդող օրվանից: |