Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ, Հայաստանի Հանրապետության հողային օրենսգրքի 66-րդ հոդվածի 1-ին մասի 3-րդ կետի պահանջներով, հիմք ընդունելով Եղեգնաձոր համայնքի ավագանու 2025 թվականի հուլիսի 14-ի թիվ 100-Ա որոշումը և քաղաքացի Ռուզաննա Չուբարի Զաքարյանի դիմումը.

1. Եղեգնաձոր համայնք, քաղաք Եղեգնաձոր Նարեկացի 3/10 հասցեում գտնվող համայնքային սեփականություն հանդիսացող բնակավայրերի նշանակության 0․00404 հա մակերեսով ավտոտնակով ծանրաբեռնված բնակելի կառուցապատման հողամասը (կադաստրային ծածկագիր՝ 10-001-0051-0072) ուղղակի վաճառքով վաճառել քաղաքացի Ռուզաննա Չուբարի Զաքարյանին, վաճառքի գին ընդունել կադաստրային արժեքի 100 տոկոսը՝ 179 450 (մեկ հարյուր յոթանասունինը հազար չորս հարյուր հիսուն) ՀՀ դրամ։

2. Քաղաքացու հետ կնքել առուվաճառքի պայմանագիր:

3․ Սույն որոշման առաջին կետում նշված հողամասը չի գտնվում Հայաստանի Հանրապետության հողային օրենսգրքի 60-րդ հոդվածով սահմանված հողամասերի, այդ թվում` ինժեներատրանսպորտային օբյեկտների օտարման գոտիներում, չի հակասում քաղաքաշինական նորմերին, չի առաջացնում սերվիտուտ:

4. Սույն որոշումն ուժի մեջ է մտնում հրապարակմանը հաջորդող օրվանից: