Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ և 22-րդ կետերի, «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 4-րդ հոդվածի 2-րդ մասի 6-րդ կետի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-րդ, 9-րդ, 10-րդ, 11-րդ և 13-րդ կետերի, 2020 թվականի հունիսի 4-ի N 1023-Ն որոշման, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն, Հայաստանի Հանրապետության կառավարության 2006 թվականի նոյեմբերի 30-ի N 1730-Ն որոշումների պահանջներով, հաշվի առնելով Եղեգնաձոր համայնքի ավագանու 2024 թվականի հունվարի 26-ի թիվ 02-Ն որոշման 2-րդ հավելվածի 19-րդ կետը և այն հանգամանքը, որ Եղեգնաձոր համայնքի, Գլաձոր բնակավայրի, 33-րդ փողոց, 14 բնակելի տուն հասցեում կառուցված ինքնակամ կառույցի (առևտրի սրահ) պահպանումը չի խախտում այլ անձանց իրավունքներն ու օրենքով պահպանվող շահերը, վտանգ չի սպառնում կյանքին և առողջությանը, նկատի ունենալով, որ ինքնակամ կառույցը կառուցված չէ ՀՀ հողային օրենսգրքի 60-րդ հոդվածով նախատեսված հողամասերի վրա, ինժեներատրանսպորտային օբյեկտների օտարման ու անվտանգության գոտիներում և քաղաքաշինական նորմերի ու կանոնների էական խախտումներով, չի առաջացնում հարկադիր սերվիտուտ պահանջելու իրավունք, չի հակասում սահմանված կարգով հաստատված գլխավոր հատակագծերի, քաղաքաշինական գոտիավորման նախագծերի, հողերի օգտագործման սխեմաների և քաղաքաշինական ծրագրերի պահանջներին, և հիմք ընդունելով Սևակ Սայադյանի կողմից ներկայացված դիմումը /մուտքի թիվ՝ 866/

1. Եղեգնաձոր համայնքի, Գլաձոր բնակավայրի 33-րդ փողոց, 14 բնակելի տուն հասցեում գտնվող, Սևակ Նահապետի Սայադյանին սեփականության իրավունքով պատկանող (անշարժ գույքի նկատմամբ իրավունքների պետական գրանցման վկայական N 1026175) հողատարածքում ինքնակամ կառուցված՝ 87․2 քմ ներքին մակերեսով և 108.92 քմ արտաքին մակերեսով ինքնակամ կառույցը (առևտրի սրահը), համարել օրինական (չափագրման տվյալների մուտքագրման ծածկագիր՝ 2023Y76HSB): Կառույցին տալ հետևյալ հասցեն՝ Եղեգնաձոր համայնք, Գլաձոր բնակավայր 33-րդ փողոց, 14 բնակելի տուն:

2. Առաջարկել կառույցն իրականացրած Սևակ Նահապետի Սայադյանին (ծնված՝ 16.05.1986թ.), 1քմ շինության օրինականացման համար Եղեգնաձորի համայնքապետարանի 900355101099 հաշվեհամարին վճարել` 2418 (երկու հազար չորս հարյուր տասնութ) ՀՀ դրամ, ընդամենը 263 370 (երկու հարյուր վաթսուներեք հազար երեք հարյուր յոթանասուն) ՀՀ դրամ, հաշվի առնելով Հայաստանի Հանրապետության կառավարության 2020 թվականի հունիսի 6-ի թիվ 1023-Ն որոշմամբ հաստատված գործակիցները:

3. Ուժը կորցրած ճանաչել Եղեգնաձոր համայնքի ղեկավարի 2024 թվականի օգոստոսի 21-ի՝ «Ինքնակամ կառույցի օրինականացման և հասցե տրամադրելու մասին» թիվ 584-Ա որոշումը։

4․ Կառույցը համապատասխանում է համայնքային նշանակության քաղաքաշինության համալիր ծրագրով նախատեսված գոտիներում գտնվող կառույցների ծրագրերի պայմաններին:

5․ Սույն որոշման ընդունման օրվանից օրինականացման համար սահմանված վճարը 60 օրյա ժամկետում չվճարելու դեպքում որոշումը համարվում է ուժը կորցրած:

6․ Սույն որոշումն ուժի մեջ է մտնում որոշման մասին անձին տեղեկացնելու պահից: