ՀՀ Վայոց ձորի  մարզի «Եղեգնաձոր համայնքի թիվ1 մանկապարտեզ» ՀՈԱԿ-ը հայտարարում է մրցույթ հաստատության ֆիզկուլտուրայի հրահանգչի թափուր պաշտոնը զբաղեցնելու համար։

Նախադպրոցական ուսումնական հաստատության ֆիզկուլտուրայի հրահանգչի պաշտոն զբաղեցնողը պետք է ունենա` միջին մասնագիտական կամ բարձրագույն (բակալավր, դիպլոմավորված մասնագետ, մագիստրոս) մասնագիտական  կրթություն՝ համապատասխան որակավորմամբ կամ վերջին տասը տարվա ընթացքում   մանկավարժական գործունեության առնվազն երկու տարվա ստաժ՝ համաձայն ՀՀ կրթության և գիտության նախարարի 2011 թվականի ապրիլի 26-ի N 416-Ն հրամանով սահմանված տարիֆաորակավորման պահանջների։

           Ֆիզկուլտուրայի հրահանգչի հաստիքի համար սահմանված է 0.75 դրույք՝ 78750 (յոթանասունութ  հազար յոթ հայուր) ՀՀ դրամ պաշտոնային դրույքաչափով։

Մրցույթին մասնակցելու համար անձը տնօրենին  է ներկայացնում հետևյալ   փաստաթղթերը`

1) դիմում (Ձև 1).

2) կրթության մասին փաստաթուղթ (դիպլոմ).

3) անձը հաստատող փաստաթուղթ.

4) աշխատանքային ստաժի վերաբերյալ տեղեկանք կամ աշխատանքային գրքույկ (առկայության դեպքում).

5) ինքնակենսագրություն (Ձև 4).

6) մեկ լուսանկար` 3x4 չափի.

7) այլ պետությունների քաղաքացիները` Հայաստանի Հանրապետությունում աշխատելու իրավունքը հավաստող փաստաթուղթ.

8) Հայաստանի Հանրապետության արական սեռի քաղաքացիները ներկայացնում են նաև զինվորական գրքույկ կամ զինվորական կցագրման վկայական.

9) հրատարակված հոդվածների ցանկ կամ գիտական կոչումը հավաստող փաստաթղթեր (դրանց առկայության դեպքում):

Փաստաթղթերն ընդունվում  են 2023 թվականի հունվարի 18-ից մինչև 2023 թվականի փետրվարի 15-ը ներառյալ ամեն օր ժամը 10:00-16:00-ը բացի շաբաթ, կիրակի և այլ ոչ աշխատանքային օրերից, ք. Եղեգնաձոր Միկոյան 7 հասցեում։

Մրցույթն անցկացվելու է երկու փուլով թեստավորման և հարցազրույցի՝ համաձայն ՀՀ ԿԳՄՍ նախարարի 25.03.2022թ-ի № 471-Ա/2 հրամանով հաստատված հարցաշարերի:

Մրցույթի թեստային փուլը տեղի կունենա 2023 թվականի փետրվարի 21-ին ժամը 13⁰⁰-ին, իսկ հարցազրույցի փուլը՝ նույն օրը թեստավորման արդյունքների հրապարակումից հետո՝ 15³⁰-ին, ք. Եղեգնաձոր Միկոյան 7 հասցեում։

Թեստավորման և հարցազրույցի փուլերի հարցաշարերին կարող եք ծանոթանալ հետևյալ հղմամբ՝ https://escs.am/am/news/11978։

Տեղեկությունների համար զանգահարել +374 094044966

Տնօրեն՝ Արմինե Մխիթարյան

Էլեկտրոնային հասցե՝ kindergartens15@gmail.com