ՀԱՐԳԵԼԻ’ ԲՆԱԿԻՉՆԵՐ
Հրավիրում ենք ձեզ մասնակցելու Եղեգնաձոր համայնքի 2021-2026թթ. համայնքի հնգամյա զարգացման ծրագրի բաց և կառուցողական հանրային քննարկումներին` համայնքի հրատապ կարիքները վերհանելու և հինգ տարվա ընթացքւմ առաջնահերթ հիմնախնդիրները լուծելու նպատակով:
Համայնքի հնգամյա զարգացման ծրագրի հանրային քննարկումները համայնքի բնակիչների և ՏԻՄ-երի միջև համագործակցության մի ձև է, որը հնարավորություն է տալիս կառուցել ՏԻՄ-երի գործունեությունը` բնակիչների իրական կարիքներին համապատասխան:
ՏԻՄ-երը և համայնքի աշխատակազմն ակնկալում են համայնքի ավագանու անդամների և բնակչության շահագրգիռ մոտեցումը և ակտիվ ներգրավվածությունը համայնքի հնգամյա զարգացման ծրագրի վերջնական տարբերակի մշակման, ինչպես նաև դրա ընդունման, կատարման և վերահսկման գործում:
2022թ. մարտի 31-ը ներառյալ խնդրում ենք ներկայացնել առաջարկություններ և կարծիքներ համայնքապետարանի պաշտոնական կայքի և Facebook-յան էջի միջոցով, ինչպես նաև կարող եք ուղարկել Yeghegnadzor.vayotsdzor@mta.gov.am էլեկտրոնային հասցեին:
Գրավոր առաջարկությունները կարող եք ներկայացնել նաև համայնքի աշխատակազմին` հետևյալ հասցեով. ք.Եղեգնաձոր, Շահումյան 1, Քաղաքացիների սպասարկման գրասենյակ:
Ակնկալում ենք ակտիվ մասնակցություն
Կից՝ հանրային քննարկումների ժամանակացույցը
Հարգանքով՝ Եղեգնաձորի համայնքապետարան
Եղեգնաձոր համայնքի 2021-2026 թթ. համայնքի հնգամյա զարգացման ծրագրի նախագծի վերաբերյալ հանրային քննարկումների
ԺԱՄԱՆԱԿԱՑՈՒՅՑ
Վերնաշեն բնակավայր(վարչական նստավայր)- մարտի 25-ին՝ ժամը 16:00-ին
Գլաձոր բնակավայր (Մշակույթի տան կոնֆերանս դահլիճ)- մարտի 28-ին՝ ժամը 16:00-ին
Գետափ բնակավայր (Մշակույթի տուն)- մարտի 29-ին՝ ժամը 16:00-ին
Մալիշկա բնակավայր(Մալիշկայի համայնքապետարան)- մարտի 30-ին՝ ժամը 16:00-ին
Եղեգնաձոր բնակավայր(Եղեգնաձորի համայնքապետարան)- մարտի 31-ին՝ ժամը 16:00-ին