18.10.24
Երիտասարդների հետ ունեցած հանդիպման վերաբերյալ
|
Եղեգնաձոր համայնքի ղեկավար Դավիթ Հարությունյանը հյուրընկալել է 2024 թվականի օգոստոսին Եղեգնաձոր քաղաքում կայացած «ՖեստիՎառ» զբոսաշրջային-երաժշտական փառատոնի անցկացման ժամանակ կամավորական աշխատանքներում ակտիվ մասնակցություն ունեցած երիտասարդներին և նրանց պարգևատրել հավաստագրերով: Հանդիպման ընթացքում քննարկվել են երիտասարդներին հուզող հարցերը, երիտասարդների կողմից ներկայացվել են ծրագրային առաջարկներ: Հանդիպման ավարտին համայնքի ղեկավարը հույս է հայտնել, որ նման հանդիպումները կլինեն շարունակական և երիտասարդները մշտապես ակտիվ մասնակցություն կունենան համայնքում իրականացվող տարբեր ծրագրերում:
|
|
17.10.24
«Եղեգնաձոր համայնքի Մալիշկա և Գետափ բնակավայրերի ոռոգման ցանցի վերակառուցում» դրամաշնորհային ծրագրի փակման արարողության վերաբերյալ
|
Հոկտեմբերի 16-ին Եղեգնաձոր համայնքի Մալիշկա բնակավայրում տեղի ունեցավ «Եղեգնաձոր համայնքի Մալիշկա և Գետափ բնակավայրերի ոռոգման ցանցի վերակառուցում» դրամաշնորհային ծրագրի փակման արարողությունը, որին մասնակցում էին ՀՀ-ում Ճապոնիայի դեսպան պարոն Աոկի Յուտական, Վայոց ձորի մարզպետ պարոն Կոլյա Միքաելյանը, Եղեգնաձոր համայնքի ղեկավար պարոն Դավիթ Հարությունյանը, դեսպանատան, մարզպետի աշխատակազմի և համայնքապետարանի ներկայացուցիչներ: Միջոցառման ընթացքում հյուրերը շնորհավորեցին միմյանց ծրագրի ավարտի կապակցությամբ և կարևորեցին կատարված վերակառուցման աշխատանքները, որոնք կնպաստեն համայնքի գյուղատնտեսության զարգացմանը:
|
|
15.10.24
Համայնքի բնակավայրերում տեղի ունեցած հանդիպում-քննարկումների վերաբերյալ
|
«Եղեգնաձոր և Արենի համայնքներում գյուղատնտեսական տեխնիկայի ձեռքբերման անհրաժեշտության և հնարավորությունների տեխնիկատնտեսական ուսումնասիրությանն ուղղված միջհամայնքային համագործակցության դրամաշնորհային ծրագրի» շրջանակում փորձագիտական խումբը հանդիպում-քննարկումներ է ունեցել Եղեգնաձոր և Արենի համայնքների բոլոր բնակավայրերում: Հանդիպումների ընթացքում վերհանվել են ոլորտում առկա խնդիրները, դրանց լուծման ուղիները:Փորձագետներն այցելել են նաև գյուղատնտեսական նշանակության տարածքներ՝ տեղում ուսումնասիրելու ճանապարհների և ոռոգման ցանցի վիճակը, մշակված տարածքները: Կատարված հետազոտության արդյունքները հիմք կհանդիսանան ծրագրային հայտի մշակման համար:*Ծրագիրն իրականացվում է Եվրոպայի խորհրդի ֆինանսավորմամբ ...
Մանրամասն |
|
10.10.24
Եղեգնաձորի գեղարվեստի դպրոցի սանն արժանացել է դիպլոմի՝ որպես լավագույն դիմանկարիչ
|
Օրերս Ծաղկաձոր քաղաքում կայացած «Ոսկե սրինգ» փառատոնի շրջանակում Եղեգնաձորի գեղարվեստի դպրոցի սան Էմմի Գրիգորյանն արժանացել է դիպլոմի՝ որպես տարվա լավագույն դիմանկարիչ: Շնորհավորում ենք մեր սանին և մաղթում նորանոր հաջողություններ:
|
|
09.10.24
Ճապոնական ֆիլմերի 18-րդ փառատոնի վերաբերյալ
|
Հայաստանում Ճապոնիայի դեսպանությունը կազմակերպում է Ճապոնական ֆիլմերի 18-րդ փառատոնը, որի շրջանակում հոկտեմբերի 16-ին ժամը 16։00-ին Եղեգնաձորի մշակույթի կենտրոնում (ք․Եղեգնաձոր, Մոմիկի փ․1) տեղի կունենա «Մի մակույկավարի պատմություն» ֆիլմի ցուցադրությունը։ Սիրով հրավիրում ենք բոլորին ներկա գտնվելու կինոդիտմանը։ ՄՈՒՏՔՆ ԱԶԱՏ Է:
|
|
09.10.24
Մալիշկա և Գետափ բնակավայրերում կատարված աշխատանքների վերաբերյալ
|
Եղեգնաձոր համայնքի Մալիշկա և Գետափ բնակավայրերում ավարտվել են ոռոգման ցանցերի վերակառուցման աշխատանքները: Ծրագրի արդյունքում բարեկարգվել է ոռոգման ցանցի շուրջ 900մ հատված: Ծրագիրն իրականացվել է Եղեգնաձորի համայնքապետարանի կողմից Հայաստանի Հանրապետությունում Ճապոնիայի դեսպանության աջակցությամբ Մարդկային անվտանգության "Grassroots" դրամաշնորհային ծրագրի (GGP) շրջանակներում:
|
|
07.10.24
Անդրանիկի և Խանջյան փողոցներում կատարված աշխատանքների վերաբերյալ
|
Եղեգնաձոր քաղաքի Խանջյան և Անդրանիկի փողոցներում ավարտվել են ոռոգման ցանցի շինարարական աշխատանքները: Ծրագրի արդյունքում բարեկարգվել է ոռոգման ցանցի շուրջ 750մ հատված: Անդրանիկի փողոցում շուտով կստեղծվի նոր կանաչապատ տարածք: Ծրագիրն իրականացվել է Գերմանիայի միջազգային համագործակցության ընկերության աջակցությամբ «ՄԱԿ-ի 2030 Օրակարգի և Կայուն զարգացման նպատակների տեղայնացում համայնքներում» դրամաշնորհային ծրագրի շրջանակում:
|
|
1 2 3 4 5 6 7 8 9 10 ... |