Հուլիսի 15-17-ը Եղեգնաձորի մարզադաշտում Girls of Armenia Leadership Soccery կազմակերպությունը անցկացրեց 2017 թվականի երկրորդ ամառային ճամբարը, որին մասնակցում էին 13-16 տարեկան 54 աղջիկներ՝ Եղեգնաձորից, Արտաբույնքից, Մալիշկայից և Վայքի Արին համայնքներից: Ճամբարում երեխաները սովորեցին ֆուտբոլային վարժություններ, առաջնորդության դասընթացներ և վեր հանելով համայնքային խնդիրներ փորձեցին լուծումներ գտնել դրանց համար: Ճամբար են հրավիրվել նաև խոսնակներ համայնքից, ովքեր պատմել են իրենց հաջողությունների մասին:
Շնորհակալություն ենք հայտնում կազմակերպության տնօրեն՝ Լորիկ Հարթունյանին և հույս հայտնում, որ համագործակցությունը շարունակական բնույթ կկրի:
Սիրով՝ Եղեգնաձորի համայնքապետարան

Սիրելի՛ եղեգնաձորցիներ,

հուլիսի 8-ին ժամը 10։00-ին Եղեգնաձոր համայնքի Արագիլ կինոթատրոնի դիմաց, տեղի կունենա զորահանդես՝ նվիրված ՀՀ ՊՆ 4-րդ բանակային կորպուսի կազմավորման 20-ամյակին։

Եղեգնաձոր համայնքի ղեկավար Դավիթ Հարությունյանի աջակցությամբ, հուլիսի  5 -ին Եղեգնաձոր համայնքի երիտասարդները մասնակցեցին Երևանում կազմակերպված՝ ՀՀ պետական խորհրդանիշներին նվիրված միջոցառմանը։

Հարգելի եղեգնաձորցիներ,

շնորհավորում եմ ձեզ Սահմանադրության օրվա կապակցությամբ։ Հուլիսի 5-ը Հայաստանի Հանրապետության ամենակարևոր պետական տոներից մեկն է։ Իսկապես պատմական օր է մեզ համար: Այդ օրը մեր ժողովուրդը կատարեց իր պատմական ընտրությունը: Սահմանադրության օրն այն լավագույն առիթն ու հնարավորությունն է, երբ մենք հերթական անգամ վերահաստատում ենք ժողովրդավարական սկզբունքների և արժեքների նկատմամբ ունեցած նվիրումն ու հավատարմությունը: Մաղթում եմ բոլորիս, որ հնարավորություն ունենանք լիարժեքորեն վայելելու մարդու իրավունքների և ազատությունների այն լայն դաշտը, որն ինքներս ենք նախանշել մեր իսկ ընտրությամբ։

Եղեգնաձորի համայնքապետարանը, համայնքի փողոցներում, բակային տարածքներում, պուրակներում, հրապարակներում և ընդհանուր օգտագործման այլ տարածքներում սանիտարական մաքրման և բարեկարգման աշխատանքներ իրականացնելու նպատակով, հուլիսի 1-ին կազմակերպում է համաքաղաքային շաբաթօրյակ:
Համայնքապետարանը կոչ է անում բոլոր պետական և հասարակական կազմակերպություններին , ուսումնական հաստատություններին, տնտեսավարող սուբյեկտներին ակտիվորեն մասնակցել շաբաթօրյակին:

Սիրով տեղեկացնում ենք, որ ամառային ճամբարների հայտն արդեն բաց է....
Ծրագրի մանրամասներին կարող եք ծանոթանալ հետևյալ հղմամբ` https://ru.scribd.com/document/351791150/Camp-Info-Pack
Մասնակցել ցանկացողները պետք է լրացնեն դիմում-հայտ` հետևյալ հղմամբ https://docs.google.com/forms/d/e/1FAIpQLSc8_t13Q1iRX1Z6QPmROxAXh5jBW8EXJvYyGd1-qBQqEnxgYQ/viewform
Պարտադիր լրացրեք դիմում-հայտի բոլոր դաշտերը: Թերի լրացված հայտերը չեն քննարկվի:
ՈՒՇԱԴՐՈՒԹՅՈՒՆ!
Վերջնաժամկետը հուլիսի 1-ն է:
Լրացուցիչ հարցերի դեպքում կարող եք զանգահարել 094040131 հեռ. համարով:
Հ.Գ
Հայաստանի Սիրանույշ ճամբար - հուլիսի 15-25
Վրաստանի Ախալդաբա ճամբար - օգոստոսի 3-13

Շահումյան 19 և Արսենյան 5 բնակելի շենքերի բնակիչների հետ բակային հանդիպումների ժամանակ Եղեգնաձոր համայնքի ղեկավար Դավիթ Հարությունյանը խոստացել էր շատ կարճ ժամկետում բարեկարգել նշված շենքերի բակերը։ Եվ ահա խոստումը չուշացավ․․․․

ՀՀ նախագահի մրցանակի համար «Լավագույն մարզական նախադպրոցական հիմնարկ» 2017 թվականի մրցույթի համայնքային և մարզային փուլերում հաղթող ճանաչված թիվ 5 ՆՈՒՀ-ը մրցույթի եզրափակիչ փուլում գրավեց հինգերորդ հորիզոնականը։ Միջոցառմանը մասնակցեցին ՀՀ բոլոր մարզերի և Արցախի Հանրապետության մարզային փուլի մրցումներին 1-ին տեղերը գրաված 11 ՆՈՒՀ-ի 110 երեխա: Շնորհավորում ենք.

Սիրելի երեխաներ.
Սրտանց շնորհավորում եմ երեխաների պաշտպանության միջազգային օրվա կապակցությամբ: Ցանկանում եմ, որ աշխարհի բոլոր մանուկները մեծանան ընտանիքներում, ստանան ծնողների ջերմությունն ու սերը, և իրենց վառ աչուկներով լուսավորեն մեր մոլորակը։ Մաղթում եմ ձեզ լիարժեք ու երջանիկ մանկություն՝ խաղաղ ու բարեկեցիկ երկրում, երազանքների իրականացում և անամպ երկինք: Յուրաքանչյուրիդ ուրախ, անակնկալներով և անկեղծ ժպիտներով հագեցած օր եմ մաղթում: Ժպտացեք և եղեք երջանիկ...

2017 թվականի հունիսի 10-ին և դրան հաջորդող յուրաքանչյուր շաբաթ և կիրակի օրերին ՀՀ գյուղատնտեսության նախարարության և Երևանի քաղաքապետարանի նախաձեռնությամբ Երևան քաղաքի Արաբկիր վարչական շրջանում նախատեսվում է կազմակերպել գյուղատնտեսական մթերքների տոնավաճառներ։ ՀՀ մարզերի գյուղացիական տնտեսություններին հնարավորություն կընձեռվի անվճար մասնակցելու տոնավաճառներին և Երևան քաղաքի սպառողներին ներկայացնելու բացառապես սեփական արտադրանքը, ինչը կնպաստի արտադրողների և սպառողների համար առավել շահավետ գյուղատնտեսական մթերքների գների ձևավորմանը։ Նախատեսվում է նման տոնավաճառներ կազմակերպել նաև քաղաքի մյուս շրջաններում։

Հարգելի հայրենակիցներ,

Շնորհավորում եմ ձեզ Հանրապետության տոնի կապակցությամբ։
Հայ ժողովրդի համար անկախությունը դարավոր նպատակ էր, որ իրականություն դարձավ շնորհիվ մեր ժողովրդի մղած ազատա•գրական պայքարի և հատկապես՝ 1918 թվականի մայիսյան հերոսամարտերի։ 1918-20 թվականների իր կարճատև գոյությամբ Հայաստանի առաջին Հանրապետությունը հայ ժողովրդին ինքնուրույն պետականություն ունենալու հույս ներշնչեց: Այն նաև հիմնաքար դարձավ Խորհրդային Հայաստանի և ներկայիս Հայաստանի Հանրապետության համար։

Սիրելի՛ շրջանավարտներ, շնորհավորում եմ այս հրաշալի, անմոռանալի և գեղեցիկ օրվա առթիվ: 
Ցանկանում եմ, որ երիտասարդի անփորձությունը երբեք խոչընդոտ չլինի մեծ բարձունքներ գրավելու և բազում հաղթանակների հասնելու ձեր ճանապարհին: Հիշե՛ք` դուք եք մեր երկրի ապագան, և ձեզնով է պայմանավորված լինելու մեր հայրենիքի հզորությունն ու բարօրությունը: Բարի ե՛րթ ձեզ, երջանկություն և նորանոր բարձունքների նվաճում եմ մաղթում ձեզ կյանքի ձեր նոր փուլում : Թող մեծ կյանք մտնելու այս նշանակալի օրը անմոռանալի դառնա ձեր ողջ կյանքի ընթացքում :

Սիրելի՜ եղեգնաձորցիներ,
Հայտնում ենք, որ <<Մաքուր Հայաստան>> ծրագրի շրջանակներում մայիսի 27-ին կկազմակերպվի համապետական շաբաթօրյակ։ Ակնկալում ենք ձեր ակտիվ մասնակցությունը համայնքի տարածքի մաքրման և կանաչապատման աշխատանքներում, քանի որ մեզանից յուրաքանչյուրը պատասխանատու է իր բակի՛, փողոցի՛, քաղաքի՛ մաքրության համար։
Հարգանքով՝ Եղեգնաձորի համայնքապետարան

Մայիսի 21-ին  Եղեգնաձորում տեղի ունեցավ Եվրոպայի օրվա միջոցառման բացման արարողությունը։ Ներկաներին ողջունեցին և Եվրոպայի օրվա առթիվ շնորհավորեցին ԵՄ դեսպան Պյոտր Սվիտալսկին և Եղեգնաձորի համայնքապետ Դավիթ Հարությունյանը։

• Անձը հաստատող փաստաթուղթ(ծննդյան վկայական կամ անձնագիր),
• Մարզիկի ծնողի համաձայնագիրը,
• Մարզիկի ֆեդերացիայի, ասոցացիայի, ակումբի դիմումը,
• Հայտը։