Այսօր: Չորեքշաբթի, 19 Հունիսի 2019թ.
Եղեգնաձորի համայնքապետարանի պաշտոնական կայք
Հյուրերի քանակը՝ 778
ՎԱՅՈՑ ՁՈՐԻ ՄԱՐԶԻ ԵՂԵԳՆԱՁՈՐ ՀԱՄԱՅՆՔ
ԻՐԱԴԱՐՁՈՒԹՅՈՒՆՆԵՐ
ՀԱՅՏԱՐԱՐՈՒԹՅՈՒՆՆԵՐ


ՆՈՐՈՒԹՅՈՒՆՆԵՐ
17.06.19 Հրաժեշտի ցերեկույթ թիվ 1 մանկապարտեզում

հԱյսօր ավագ 1-ին խումբը՝ դաստիարակ Քրիստինե Սարգսյանի գլխավորությամբ, գեղեցիկ ձեռնարկով հրաժեշտ տվեց հարազատ մանկապարտեզին: «Աշխարհի 7 հրաշալիքները» խորագիրը կրող միջոցառմանը երեխաները գեղեցիկ երգերով ու բանաստեղծություններով ցուցադրեցին իրենց գիտելիքները, շրջեցին թվերի և տառերի աշխարհում ներկաների հետ միասին և շնորհակալութուն հայտնեցին իրենց կրթական հաստատությանը: Հրաժեշտ տալով մանկապարտեզին՝ երեխաները խոստացան միշտ հիշել իրենց առաջին կրթարանը: Միջոցառմանը ներկա էին հյուրեր և ծնողներ:

05.06.19 Եղեգնաձոր համայնքի թիվ 1 մանկապարտեզի «Արևիկ» թիմը հաղթեց «Լավագույն մարզական նախադպրոցական հիմնարկ» հանրապետական մրցույթում

Եղեգնաձորի թիվ 1 մանկապարտեզը կրկին փայլուն հաղթանակ տարավ «Լավագույն մարզական նախադպրոցական հիմնարկ» հանրապետական մրցույթի մարզային փուլում: «Արևիկ» թիմը մրցույթի 4 թիմերի մեջ աչքի ընկավ իր բացարձակ առավելությամբ: Մանկապարտեզի սաներն ու աշխատակազմը ջանք չէին խնայել այս տարի էլ հաղթական գավաթը վաստակելու գործում: Շնորհավորում ենք մեր հրաշք մանուկներին և սպասում՝ նրանց նորանոր հաղթանակներին ու ձեռքբերումներին: 

05.06.19 Եղեգնաձոր համայնքի թիվ 1 մանկապարտեզում տեղի ունեցավ "Հրաժեշտ մանկապարտեզին🎊🎉" խորագրով միջոցառում

Մանկապարտեզի ավագ 2-րդ խմբի սաները՝ Լուսինե Աբրահամյանի գլխավորոթյամբ, գեղեցիկ միջոցառմամբ հրաժեշտ տվեցին մանկապարտեզին: Գեղեցիկ և ուրախ երգերով, պարերով, բանաստեղծություններով սաները իրենց շնորհակալությունը հայտնեցին մանկապարտեզին և վերհիշեցին իրենց մանկության լավագույն տարիները: Երեխաները ստացած գիտելիքներով և վստահ քայլերով հրաժեշտ տալով հարազատ օջախին, կշարունակեն իրենց ուսումն արդեն դպրոցում: Միջոցառմանը ներկա էին հյուրեր և ծնողներ:

05.06.19 Իրազեկում

Հարգելի՛ եղեգնաձորցիներ․
2017 թ․ հուլիսի 18-ի թիվ 44-Ն ավագանու որոշմամբ ընդունվել է Եղեգնաձոր համայնքի վարչական սահմաններում գտնվող անշարժ գույքի սեփականատիրոջ կամ տիրապետողի՝ իր տիրապետման տակ գտնվող անշարժ գույքի և դրան հարակից ընդհանուր օգտագործման տարածքի պարտադիր բարեկարգման էության, ծավալի, պայմանների և իրականացման կարգ։

Խնդրում ենք պահպանել կարգի պահանջները՝ 
http://yeghegnadzor.am/…/Coun…/We1772611201521783_img685.pdf

05.06.19 Եղեգնաձոր համայնքի ղեկավար Դավիթ Հարությունյանն ուղերձ է հղել Շրջակա միջավայրի պաշտպանության միջազգային օրվա կապակցությամբ

Հարգելի՛ եղեգնաձորցիներ․

Հունիսի 5-ին երկրագնդի բնակչությունը նշում է Շրջակա միջավայրի պաշտպանության համաշխարհային օրը: Այն հերթական հնարավորություն է հասարակության ուշադրությունը բևեռելու բնապահպանական խնդիրների վրա: Հայրենի բնության պահպանությունը պետք է լինի յուրաքանչյուրիս առաքելությունը։ Մարդը պետք է բնությունից վերցնի այնքան, ինչքան անհրաժեշտ է առաջնային կենսական պահանջները բավարարելու համար: Այսօր մենք մայր բնության սահմանափակ ռեսուրսները շռայլելու իրավունք չունենք:
Կոչ եմ անում մեր քաղաքացիներին և բոլոր շահագրգիռ կառույցներին համատեղել քայլերը` հայրենի բնաշխարհի պահպանության և կայուն զարգացում ապահովող շրջակա միջավայր սերունդներին փոխանցելու կարևորագույն առաքելությունն իրականացնելու համար

31.05.19 Շնորհավոր ձեր տոնը, սիրելի՛ երեխաներ:

Սիրելի՛ երեխաներ,

Դուք, աշխարհի ամենաբարի, ամենաքնքուշ և ամենաանկեղծ էակներն եք՝ մեր կյանքի ամբողջ իմաստն ու բովանդակությունը: Բնավ էլ պատահական չէ, որ ձեր տոնը համընկնում է ամռան առաջին օրվա հետ, որովհետև դուք ձեր էությամբ ջերմություն եք ու լույս:

Սիրով շնորհավորում ենք ձեզ ամենալուսավոր տոնի՝ Երեխաների պաշտպանության միջազգային օրվա առթիվ: Մաղթում ենք ձեզ անհոգ մանկություն, խաղաղություն և արժանապատիվ երեխա և քաղաքացի լինելու պատիվ:

Տեղեկացնում ենք նաև, որ հունիսի 1-ին Եղեգնաձորում այս օրվան նվիրված կանցկացվեն հետևյալ միջոցառումները՝

  1. 10:30 - ԻԹՖ Թաեքվոն-դոյի  Հայաստանի բաց առաջնություն Եղեգնաձորի մարզադպրոցում։
  2. 18:30 - Համերգ ամֆիթատրոնում:

 

Շնորհավոր ձեր տոնը, սիրելի՛ երեխաներ:

31.05.19 Նոր բարեկամության սկիզբ

Այսօր՝ 31.05.2019թ.-ին ճանաչողական այցով Եղեգնաձորի համայնքապետարան էր այցելել Ղազախստանի արտակարգ և լիազոր դեսպան Տիմուր Ուրազաևը:

Համայնքապետ Դավիթ Հարությունյանի հետ հանդիպման ընթացքում քննարկվել են հետագա համագործակցության անհրաժեշտության և նոր ստեղծվող բարեկամության շարունակական լինելու կարևորության հարցերը:

1 2 3 4 5 6 7 8 9 10 ...


Բոլորը
Ավագանու նիստ
Նիկոլ Փաշինյանի ելույթը Եղեգնաձոր քաղաքաում
ԴԵՊԻ ՄԱՆԿԱԿԱՆ ԵՎՐՈՏԵՍԻԼ
Ագրոպարենային սարքավորումների լիզինգի աջակցություն
ՏՏ ոլորտի զարգացման դասընթացներ
Եղեգնաձորցի երեխաների նամակ-խնդրանքը Հանրապետությա
05.08.14 / Հայաստանի ճամփեքով - Եղեգնաձոր
ՄԵՐ ԿՈՆՏԱԿՏՆԵՐԸ
ՄԻԱՑԵՔ ՄԵԶ
ՀՂՈՒՄՆԵՐ
ք.Եղեգնաձոր, Շահումյան 1

+374 281 22020

yeghegnadzor.vayotsdzor@mta.gov.am

Պաշտոնական էլ. փոստ` @e-citizen.am
(միայն www.e-citizen.am համակարգով ծանուցումների համար)



© 2008 - 2019 Հեղինակային իրավունքները պաշտպանված են
ԵՂԵԳՆԱՁՈՐԻ ՀԱՄԱՅՆՔԱՊԵՏԱՐԱՆ
Մշակող   ՏՀԶՎԿ ՀԿ
Համայնքային կառավարման տեղեկատվական համակարգ 2.03
ԲԿԳ Մրցանակ 2015 - OGP Award 2015
2015 Regional Winner