Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետերով, «Իրավունք հաստատող փաստաթղթերը չպահպանված անհատական բնակելի տների կարգավիճակի մասին» Հայաստանի Հանրապետության օրենքի պահանջներով, հիմք ընդունելով Հայաստանի Հանրապետության հողային օրենսգրքի 64-րդ հոդվածի 2-րդ մասի պահանջները, Եղեգնաձորի հողային բարեփոխումների և սեփականաշնորհման տեղական հանձնաժողովի 1991 թվականի ապրիլի 30-ի N 5 որոշման քաղվածքը, Վայոց ձորի մարզի նոտարական տարածքի նոտար Լուսինե Կարենի Սանթոյանի կողմից 2025 թվականի հուլիսի 16-ին հաստատված՝ ըստ օրենքի ժառանգության իրավունքի վկայագրերը (ժառանգական գործերի համար՝ Ժ/Գ229/2025 և Ժ/Գ230/2025), ժառանգ Վահե Գագիկի Զաքարյանի դիմումը և առաջին պետական գրանցման հանգամանքը.

1. Ճանաչել քաղաքացիներ՝ Գոհարիկ Ալբիկի Հակոբյանի և Վահե Գագիկի Զաքարյանի սեփականության իրավունքը Եղեգնաձոր համայնք, քաղաք Եղեգնաձոր, Կամոյի փողոց, 30 հասցեում գտնվող բնակելի տան, օժանդակ շինությունների (մառան, սանհանգույց, ծածկ) և ավել օգտագործվող 58․4 քառ. մ բնակելի կառուցապատման հողի նկատմամբ (կադաստրային ծածակագիր՝ 10-001-0128-0007):

2. Սույն որոշման 1-ին կետում նշված ավել օգտագործվող 58․4 քառ. մ հողամասը չի գտնվում ինժեներատրանսպորտային օբյեկտների օտարման կամ անվտանգության գոտիներում, և այդ իրավունքի ճանաչումը չի սահմանափակում այլ անձանց իրավունքները և չի առաջացնում սերվիտուտ:

3. Բնակելի տունը և օժանդակ շինությունները կառուցվել են մինչև 2001 թվականը, կառուցված չեն և չեն գտնվում Հայաստանի Հանրապետության հողային օրենսգրքի 60-րդ հոդվածով սահմանված հողամասերի, այդ թվում` ինժեներատրանսպորտային օբյեկտների օտարման գոտիներում, չեն հակասում քաղաքաշինական նորմերին, չեն առաջացնում սերվիտուտ. համապատասխանում են «Իրավունք հաստատող փաստաթղթերը չպահպանված անհատական բնակելի տների կարգավիճակի մասին» ՀՀ օրենքի 1-ին և 2-րդ հոդվածներով նախատեսված պայմաններին:

4.Սույն որոշումն ուժի մեջ է մտնում հրապարակմանը հաջորդող օրվանից։